Ürümchide Aptobus Partilighan -- Emma Xitay Weqeni Inkar Qilmaqta
2008.03.25

Muxbirimiz shöhret hoshurning bu heqtiki toluq melumati
Awaz köchürüsh

Yéngi zélandiyide chiqidighan Shoudou huawen baw namliq gézit, tünügün yeni 24 ‏ - Mart küni ürümchide arqa - Arqidin 4 jayda aptobus partlighanliqi heqqide xewer bergen, uyghur aptonom rayonluq j x idarisi bügün yeni 25 ‏ - Mart küni axbarat élan qilish yighini échip mezkur xewerni yalghan dep inkar qilghan we uyghur rayonda jemiyet muqimliqida mesile yoqluqini bildürgen. Emma bügün ürümchidiki birqanche méhmanxana we aililiklerge téléfon échip ehwal igiliginimizde, ular aptobus partlash weqesining yüz bergenlikini bildürdi.

Bezi kishiler birqanche aptobus partlighanliqini bildürdi.

Yéngi zélandiyidiki gézitning xewer qilishiche, 24 ‏ - Mart küni kech saet 6 etrapida ürümchidiki 910 ‏ - Yol, 17 ‏ - Yol we 2 ‏ - Yol aptobuslirida, hem aptonom rayonluq xelq hökümiti binasining etrapida arqa - Arqidin partlash weqesi yüz bergen. Boshun tori bügünki xewiridimu, ürümchi shehiride 4 orunda aptobus partlash weqesi yüz bergenlikini xewer qildi. Bizning igilishimizde, ikki kishi, partlighan aptobusning bir ikenlikini, yene birsi bolsa, birqanche aptobus partlighanliqini bildürdi.

Bügün uyghur rayonidiki j x nazariti bayanatida, aptobus partlash weqesi yüz bergenlikini inkar qilish bilen bille, nöwette uyghur rayonidiki muqimliq, milletler ittipaqliqi we inaq jemiyet weziyitining tarixtiki eng yaxshi basquchta turuwatqanliqini bildürgen. Biz hökümet orunlirining bu heqtiki melumatigha érishelmigendin kéyin, ürümchi shehiridiki bir qanche méhmanxanigha sayahetchi süpitide téléfon qilip ehwal igiliduq.

Biz ulargha, ürümchide yüz bergen aptobus partlash weqesi seweblik méhmanxanigha bilet élishtin endishe qiliwatqinimizni bildürginimizde, méhmanxana xizmetchisi ehwalni ashkarilidi: uning déyishiche, aptobus partlash weqesi ularning méhmanxanisidin 10 minutluq musapida yeni nenmén yolida yüz bergen. Yene bir méhmanxana xadimining bildürüshiche, partlash 17 ‏ - Yolda yüz bergen.

Uyghurlargha musteqilliq telep qilghan teshwiq waraqliri tarqitilghan.Boshün tori weqege alaqidar bügünki xewiride, ürümchi shehiridiki bir qisim jaylarda, uyghurlargha musteqilliq telep qilghan teshwiq waraqliri tarqitilghanliqini bildürgen idi. Bügün royétirs agéntliqining ziyaritini qobul qilghan bir xitay emeldari, aptobus partlash weqesini inkar qilghan, emma teshwiqat wariqi tarqitilish ehwalining rastliqini bildürgen.

Axbarat kontrolluqi sewebidin mezkur weqe yüz bergen éniq orun, weqe keltürüp chiqarghan ziyan we weqe sadir qilghuchilar heqqidiki asasliq melumatlar hélihem éniqsiz turmaqta. (Shöhret hoshur)

Uyghurche
© 2008 Radio Free Asia
Munasiwetlik maqalilar
" Ayropilan bulash weqesi" ning sir perdisi térrorluq tehditning rastliqigha guman peyda qildi
Uyghurlar erkin asiya radiosini anglashni arzu qilidu
Xitayda emeldarlarning 'unwan élish' dolquni kötürüldi
" Tinchliq burchi" manéwiri kimge qaritilghan?
Dawamlishiwatqan ikki chong herbiy manéwir üch dölet otturisidiki nazuk mesililerni ashkarilimaqta
Uyghurlarning pasportini yighiwélish weqesi türkiyide ghulghula qozghidi
Xitay hökümiti uyghur musulmanlirining pasportini omumyüzlük yighiwélishqa bashlidi
Chetelliklerge ürümchi xelqaraliq ayrodromining özidila biwaste wiza bérish siyasiti yolgha qoyulidiken
Xitay dairiliri ürümchi yamaliq téghida öy chéqish herikitini yene bashlidi
Enqerediki térorluq weqeside 7 kishi qaza tapti, 100 din oshuq kishi yarilandi
Ürümchi, xitay buyiche bulghinish derijisi eng éghir sheherge aylandi
Ürümchi bilen qeshqer xelqaraliq chong sheher bolalamdu?
Ürümchi "xelqaraliq sheher" boludighangha qanchilik yiraqta

Dostigha yollash
Xewerge mushteri bolush
Torda anglashqa yardem
Qoyghuchi köchürüsh
Dolqun süzgüch
Radio Free Asia
2025 M Street NW, Suite 300, Washington DC 20036, USA 202-530-4900 uygweb@rfa.org RFA Jobs
© 2005 Radio Free Asia