2008.03.25
Muxbirimiz jümening bu heqtiki toluq melumati
Awaz köchürüsh
Frankforttiki Noruz Paaliyitide Uyghur Ösmüri Mol Mezmunluq Nomurlarni Körsetti
http://karakuyash.blogspot.com/
Uyghurlarda noruz 21 - Mart dunyaning her qaysi jaylirida her xil shekilde tebriklengen bolsimu, emma gérmaniyining frankfurt shehiride 22 - Mart élip bérilghan noruz tebriklesh paaliyiti, yekke halda noruz bayriminila tebriklesh bolup qalmastin, belki bu alahide kün uyghurlarning büyük alimi mexmut qeshqirining birleshken döletler teshkilati maarip, pen - Téxnika we medeniyet jemiyiti teripidin 2008 - Yilida dunyawi xatirilinidighan shexs qilip belgilengenlikini tebriklesh bilen özgiche mezmungha we alahidilikke ige qilinghan.
Küresh Atahan :" Birer Uyghur teshkilati Mehmut qeshqiriy yili üchün alahide tebriklesh murasimi élip barmidi"
Mezkur paaliyet Gérmaniyining Frankfurt shehirige jaylashqan Sherqiytürkistan Birliki teshkilati teripidin orunlashturulghan bolup, paaliyetke uyghurlarni asas qilghan bir qisim Türk we Gérmanlarni öz ichige alghan 100 ge yéqin adem qatnashqan.
Sherqi türkistan birlik teshkilatining reisi Küresh Atahan Mehmut Qeshqiriyning birleshken döletler teshkilati teripidin 2008 - Yilida xatirilinidighan shexs qilip belgilengenliki uyghurlar hemde türk dunyasi üchün intayin ehmiyetlik muhim weqe hésablinidighanliqini hemde bu weqening uyghur ili ichi - Sirtida her xil shekilde tebriklinishi lazimliqini, emma hazirgha kelgiche birer uyghur teshkilatining bu xeyirlik ish üchün alahide tebriklesh murasimi élip barmighanliqini, shunga bu nöwetlik noruz bayrimini tebriklesh paaliyitini mexmut qeshqiri üchün béghishlighanliqini bildürdi.
Tebriklesh paaliyiti yene, Anilargha we Balilargha Béghishlanghan
Küresh Atahan yene, bu nöwetlik noruz tebriklesh paaliyiti yene anilargha we milletning kelgüsi bolghan balilargha béghishlanghan bolup, Sherqiytürkistan Milliy herkitini téximu ghelibilik dawamlashturush üchün, uyghurlarning alim - Hökümalirigha hörmet bildürüsh, milliy medeniyet örneklirini eslep ötüsh, uyghurche taam, uyghurche örp - adetlerni mushundaq sorunlarnimu qoldin bermey namayan qilip ewladlargha enene terbiyisi, milliy kimlik terbiyisi élip bérish meqset qilghanliqini bildürdi.
Mexmut Qeshqeriy Dégen Bu Nam Uyghur Tarixi Qatarliq Nurghun Sahelerge Bérip Taqilidu
Küresh Atahan yene, Mehmut Qeshqeriyning uyghur tarixi we medeniyitidiki orni heqqide toxtilip: "mexmut qeshqiri dégen bu nam uyghur tarixi, edebiyati dölet bashqurush we tilshunasliq qatarliq nurghun sahelerge bérip taqilidu" dédi.
Mezkur paaliyet dawamida paaliyet qatnashquchilirigha uyghur tarixi, medeniyiti meshhur shexsliri we hazirqi siyasiy ehwali heqqide doklat bérilgen hemde mushu asasta soal teyyarlinip balilar arisida zéhin sinash paaliyiti élip bérilghan.
Axirida zéhin sinashqa qatnashqan balilarning hemmisige her xil shekildiki xatire buyumliri mukapat qilip tarqitip bérilgen bolup, Küresh Ataxanning bildürüshiche, mukapat buyumlirini shiwitisiyidin gérmaniyige mexsus ushbu murasim üchün kelgen uyghur ziyaliysi Haji Abduréshit Kérimi ependi tarqitip bergen.
Noruz bayrimini tebriklesh murasimining béshida sherqiy türkistan birliki teshkilatining reisi Küresh Atahan, Dunya Uyghur Qurultiyining reisi Uyghuristan Milliy herikitining rehbiri Rabiye Qadir xanimning mezkur paaliyet üchün yollighan tebrik télégrammisini oqup ötüp paaliyet ishtirakchilirini hayajangha salghan. (Jüme)
Uyghurche
© 2008 Radio Free Asia
Munasiwetlik maqalililar:
Norwégiyidiki uyghurlar noruz bayrimini tebriklidi
Qazaqistandiki uyghurlar noruz bayrimini tebriklidi
Türkiyidiki uyghurlar noruz bayrimini tentenilik tebriklimekte
Uyghurlarning milliy salahiyet bayrimi noruz
"Sherqiy türkistan üchün tarixiy purset"
Norwégiye, gérmaniyie we shwétsiyide noruz
"Türk dunyasida noruz" témisida muhakime yighini ötküzüldi
Qazaqistan uyghurliri noruz bayrimi paaliyiti ötküzdi
Türkiyediki uyghurlar noruz bayrimini tebriklidi
Almatida noruz bayrimi tebriklendi
Gherb memliketliride noruz bayrimi
Türkiyide noruz paaliyetliri ötküzüldi
Qirghizistanda noruz bayrimi daghdughiliq xatirilendi
Amérikidiki uyghurlar noruz bayrimi ötküzdi
Béshkektiki uyghurlar noruz bayrimini tebriklimekchi
Dostigha yollash
Xewerge mushteri bolush
Torda anglashqa yardem
Qoyghuchi köchürüsh
Dolqun süzgüch
Radio Free Asia
2025 M Street NW, Suite 300, Washington DC 20036, USA 202-530-4900 uygweb@rfa.org RFA Jobs
© 2005 Radio Free Asia
