Muxbirimiz Erkin Tarim
2009-11-03
5 - Iyul ürümchi weqeside ürümchining qarangghu kéchiliride, arqa kochilirida némiler bolghanliqi asta - Asta ashkarilinishqa bashlidi. Ürümchige tughqan yoqlap barghan uyghurlarning özliri yashawatqan döletlerge qaytip bérishi bilen ular ürümchide körgenlirini we öz béshidin ötküzgenlirini radiomizgha anglitishqa bashlidi.
Süretlerni RFA anglighuchiliri ewetken.
7 - Ayning 5 - Küni, guangdong weqesini intérttin izchil közitip kéliwatqan uyghur tordashliri, bir qisim aliy mektep oqughuchiliri we aktip jemiyet yashliri, ürümchide, ténchliq yoli bilen namayish uyushturghan bolup, süret, namayishchilarning xitay qoralliq saqchilirining qatmu - Qat tosalghusigha uchrawatqan körünüsh.
5 - Iyul ürümchi weqesi yüz bergen waqitta ürümchide bolghan, ismini ashkarilashni xalimighan, hazir chetelde oquwatqan bir uyghur bilen ürümchi weqesi heqqide söhbet élip barduq.
Bu uyghur yash bizge özining ürümchi weqesige ukisi bilen bille qatnashqanliqini saqchi idarisida bir kéche qip yalingach qilinip sotlanghanliqini éytti. Shundaqla u, ürümchi weqesining aldi keynide anglighan we körgenliri heqqidimu bir qisim melumatlarni sözlep berdi.
Yuqiridiki awaz ulinishidin, bu heqte élip barghan söhbitimizning birinchi qismini anglaysiler.
Meneb: http://www.rfa.org/uyghur/xewerler/tepsili_xewer/5-urumqi-weqesi-shahidi-11032009204941.html/story_main?encoding=latin
