Sherqiytürkistan Birliki Teshkilatining 5-Aprél Namayishi Heqqidiki Élani

Essalamu eleykum hörmetlik Qérindashlar,

1990-yili 4-ayning 5-küni, Xelqimiz eziz wetinimiz Sherqiytürkistanning Aqtu nahiyeside Xitay hakimiyitining milliy we diniy zulumlirigha qarshi qozghulup, özlirining heq-hoquqliri üchün quralliq heriket élip barghanidi. U qétimqi heqqaniy herikettimu xuddi Ghulja inqilawigha oxshashla qanche minglighan Oghul-qizlirimiz Xitay tajawuzchillirining wehshiylerche qirghinchiliqigha uchridi.

Shu qétim Xitay hökümiti xelqimizning heqqaniy élip barghan qarshiliq körsütüsh herkitini qanliq basturupla qalmay, yene qanche minglighan wetenperwer oghul-qizlirimizni turmilerge qamidi we étip öltürdi.

Meshhur Uyghurshunas Kristiyén Tayléning „Tinchimas Uyghuristan“ dégen kitawida tilgha élinishiche, xitaylar bu heriketni basturushta muntizim terbiyelengen 10.000 din artuq eskiri quwetlirini tanka, ayrupilan we éghir qurallar bilen jabdundurup, érqiy tazilash élip barghan. Onming etrapida nopusi bar bu yézida yüz bergen weqe üchün 5000 din artuq délo turghuzup 7900 din artuq ademni siyasiy jehettin qarilap, oxshimighan derijide jazalighan. Uningdin bashqa Sherqiytürkistanning oxshimighan wélayet we sheherliridin, shu weqege alaqidar dep qarap, minglighan kishini qanunsiz tutqun qilip, siyasiy we insaniy hoquqliridin mehrum qilip, rehimsizlerche jawapkarliqqa tartqan.

U weqe wetinimiz Sherqiy Türkistandila daghdugha peyda qilipla qalmay, pütün dunya miqyasida tillarda dastan bolup, Xitay tajawuzchillirining rehimsiz eptibeshirisini ashkarilap, mezlum xelqimizning musteqilliqqa bolghan ottek telpünüshtin ibaret yürek sadasini dunya jamaetchilikige anglitishtiki rushen pakitlarning biri süpitide uzaq yillardin kéyinmu dunya jamaetchiliki teripidin éhtiram bilen tilgha élinmaqta we Sherqiytürkistan milliy herkitining xelqarada küchüyishi üchün bügünki küngiche tépilghusiz pursetlerni yaritip kelmekte.Yéqinqi yillardin béri qanche minglighan qérindishimiz weten-millet üchün qurban boldi, qarangghu türmilerge tashlandi we hazirghiche türmilerde éghir iskenje ichide azap chékiwatidu.Ularning siyasiy iradisige warisliq qilish, xelqimizning yürek sadasini dunyagha anglitish, heqqaniy dawayimizni qanunlashturush üchün küresh qilish, hemmimizning bash tartip bolmaydighan burchidur.


Teshkilatimiz Sherqiytürkistan Milliy herkitining yol bashchisi, meniwiy animiz Rabiye Qadir xanimning teshebbusi bilen 5-Aprel küni (shenbe)Xitay hökümitining bundin 18 yil awal Barenda élip barghan insan qélipidin chiqqan qirghinchiliqini eyiplesh we bu yil kirgendin béri Sherqiytürkistanda yüz bériwatqan milliy oyghunush heriketlirige ilham bérish, jümlidin Hoten ölkiside yüz bergen ammiwiy herketke qatnashqanlar we ularning aile-taabatlirining weten-millet üchün körsetken jasarétige aliy éhtiram bildürüsh, undin bashqa Hitaylarning 600 din artuq Uyghur xanim-qizlirigha qaratqan qupallarche basturush herkitige itiraz bildürüsh meqsidide Gérmaniyediki oxshimighan sheherlerde keng külemlik naraziliq paaliyéti élip barmaqchi.

Biz shu munasiwet bilen teshkilat ezalirini, Sherqiy Türkistanning bügünki weziyiti, Baren inqilawi we Hoten weqesi heqqide, özliri turiwatqan sheherlerde yekke we kolléktip halda namayish qilish we teshwiqat matériyali tarqitishqa chaqriq qilimiz. Frankfurtta ötküzilidighan bu paaliyet Frankfurt Sheherining Hauptwache dégen yéridiki Katrenna chirkawi aldidiki meydanda saet 12:00 de bashlinip, 16:00 ge qeder dawamlishidu.Teshkilat ezalirimizning bu qétimqi paaliyetke aktip ishtirak qilishini töwenchilik bilen tewsiye qilimiz.

Sherqiytürkistan Birliki Teshkilati

12-Mart,2008 Frankfurt am Main