Tengri alemlerni yaratqanda, biz uyghurlarni NURDIN apiride qilghan, Turan ziminlirigha hökümdarliq qilishqa buyrighan.Yer yüzidiki eng güzel we eng bay zimin bilen bizni tartuqlap, millitimizni hoquq we mal-dunyada riziqlandurghan.Hökümdarlirimiz uning iradisidin yüz örigechke sheherlirimiz qum astigha, seltenitimiz tarixqa kömülüp ketti.Uning yene bir pilani bar.U bizni paklawatidu,Uyghurlar yoqalmastur!

Saturday, February 04, 2012

Gérmaniyening Frankfurt Sheheride Ghulja Inqilawining 15 yilliqi Xatirlinip Paaliyet Ötküzildi




Buningdin 15 yil awal eziz wetinimiz Sherqitürkistanning Ghulja sheheridiki yashlar teshkillinip, Xitay tajawuzchillirining heddidin ashqan éqiy kemsitishi, we kultural qirghinchiliqigha qarshi tinch shekilde namayish élip barghan bolup, Xitaylar teripidin wehshiylerche basturulghanidi.



Shu qétimqi basturush sewebidin pütün Sherqitürkistan miqyasida On minglighan kishi siyasiy jehettin jazalanduruldi, ailisi pilanliq we sistimiliq shekilde weyran qilindi we bir qismi wetenni terik étip pütün dunyagha topidek sorulup kétishke mejbur qaldi.



Xitaylar shu qétimqi paaliyetke qatnashqan qéhriman qiz-yigitlirimizning mutleq köp qismini qolgha élip, qéhritan qish-soghaqta jins ayrimastin yalingachlap muzdek su chéchish, éliktirik kaltekler bilen dumbalash, tirnaqlirini tartup, chishlirini yulush we su türmillirige tashlashtek qebihiy usullar bilen qiynap öltürüsh we yalghandin iqrar qildurup ömürlük türme jazasi bérish we kolliktip ölüm jazasigha höküm qilish usulliri bilen millitimizge bolghan cheksiz öchmenlikini ipadilep dunya xelqini heyrette qaldurghanidi.



Dunya xelqi we millitimiz wetenimizning béshigha kelgen bu tiragédiyeni 15 yildin kéyinmu untup ketkini yoq.Shu qétimqi Ghulja qirghinchiliqi xuddi qap ichidiki bigizdek, xitayning qatmu-qat cheklesh tedbirlirini bösüp chiqip, hür dunyagha tuyulghandin kéyin, xelqara jamaet Xitayning qandaq bir millet ikenlikini, Uyghur we uning qérindashlirining béshigha öz wetinide kéliwatqan dishwarchiliqlarni téximu chüshünip yétip, anche diqqet qilinmay kéliwétilghan bu hadise, pütün dunya miqyasida resmiy shekilde xelqaraliq siyasiy mesele süpitide qarilidighan boldi.



Sherqitürkistan xelqi Ghulja weqesi sewebidin nahayiti éghir bedellerni töligen bolsimu, shu qétimqi weqege qatnashqan munnewer perzentlirimizning sewebidin, ularning issiq qéni we hayati bedilige yéngi inawet we salahiyet qazandi.Bu weqe Sherqitürkistan xelqining derdi peqet we peqet insan heqliri we démokratiye derdi bolmastin, eksiche bésiwelinghan bir döletning özining igilik höquqigha ige bolmastin, Sherqitürkistanning yerlik xeliqliri bilen Xitayning ottursidiki munasiwetning hel bolmaydighanliqidin ibaret bir, milliy hem igilik hoquqigha munasiwetlik heqiqetni dunyagha yene bir qétim jakarlidi.



Sherqitürkistan Kultur Merkizi Yawropada Sherqitüristan Sürgündiki Hökümitige wekillik qilidighan bir Organ bolush salahiyiti bilen, Ghulja inqilawini xatirlesh, shu qétimqi weqede qurban bolghanlarning ailisidin halehwal sorash, téxiche türmide yétiwatqanlargha sebre tilesh, qurban bolghanlarning rohini shad qilish sewebidin bügün yeni 2012-yili 4.Fewiral küni Gérmaniyening Frankfurt Sheheride paaliyet ötküzüp, Xitay tajawuzchillirining Sherqitürkistanda yürgüziwatqan milliy zulumini bolupmu Ghulja Inqilawiy mezgilide ishligen insanliqqa qarshi jinayi qilmishlirini jamaetchilikke anglatti.



Bu paaliyetke teshkilatimizning bir qisim ezaliri aktip qatniship, Sheher ahalisige Sherqitürkistandiki siyasiy meselilerge bolupmu Ghuljidiki 1997-yildiki dunyagha pur ketken qanliq basturushqa alaqidar melumatlarni bérdi.



Paaliyet Gérmaniye waqti 14:00 de bashlinip 18:00 de axirlashti.Élip bérilghan paaliyet bashtin axir qiziqquchilarning jiddy diqqitini tartti we tertiplik hem netijilik boldi.



Sherqitürkistan Kultur Merkizi Teshwiqat Bölümi



04 Fewiral 2012

Uyghuristan

Freedom and Independence For Uyghuristan!

FREE UYGHURISTAN!

FREE UYGHURISTAN!
SYMBOL OF UYGHUR PEOPLE

Blog Archive