Tengri alemlerni yaratqanda, biz uyghurlarni NURDIN apiride qilghan, Turan ziminlirigha hökümdarliq qilishqa buyrighan.Yer yüzidiki eng güzel we eng bay zimin bilen bizni tartuqlap, millitimizni hoquq we mal-dunyada riziqlandurghan.Hökümdarlirimiz uning iradisidin yüz örigechke sheherlirimiz qum astigha, seltenitimiz tarixqa kömülüp ketti.Uning yene bir pilani bar.U bizni paklawatidu,Uyghurlar yoqalmastur!

Monday, February 06, 2012

Ayshemgül Tursun: «Saqchilar Dadam We Balamning Beden Organlirini Bulap Ketti»


Muxbirimiz Shöhret Hoshur

2012-02-03

2005 - Yili 4 - Ayda turpan wilayitining yar yézisida sirliq bir qutquzush opratsiyisi yüz bergen. Shu küni yar yézisidiki ayshemgul tursunning dadisi we ikki balisi bir qatil teripidin pichaq bilen yarilandurulghan.





Photo: RFA



Béyjingdiki bir türküm uyghur erzdarlar



Saqchilar qanun doxturliri bilen neq meydangha yétip kélip, aldi bilen ayshemgöl tursunni ayrim bir yerge solap qoyghan؛ andin yurt - Jamaetni qorodin heydep chiqirip, ishikni ichidin taqiwélip sirliq bir qutquzush opiratsiiyisi bashlighan. Ayshemgül tursun solanghan jaydin qéchip chiqip, ishiktin marighanda qanun doxturlirining oghlining bedinidin bir parchini élip kichik bir sanduqqa séliwatqanliqini körgen we saqchilarni «oghrilar» dep chuqan salghan. Jamaet qorogha basturup kirip ayshemgülning yarilanghan yene bir qizini saqchilarning qolidin élip qachqan.



Eslide ayshemgül saqchilar bilen birlikte neq neydangha yétip kelgende dadisi jan üzüp bolghan, oghli we qizi yaridar halette bolup, saqchilar neq meydanning esli halitini buzuwetmeslik bahaniside ayshemgülni qoshnisining qorosigha solap qoyghan. U solanghan qorodin qéchip chiqip, öz qorosining ishikidin marilighanda, qanun doxturlirining oghlining beden organliridin bir parchini éliwéliwatqinini körgen. U qorosining etrapida oliship turghan mehelle jamaitini balilirini saqchilardin qutquzushqa chaqirghan. Jamaet qorogha basturup kirgende, ayshemgülning dadisining qorsiqining késilgenlikini, oghliningmu qorsiqining késilgenlikini, téxi tikip ölgürülmigenlikini, ayshemgulning qizining bir chette halsirap yatqanliqini körgen؛ jamaet saqchilarni tillap eyiblep, ayshemgülning qizini élip doxturxanigha aparghan. Buning bilen ayshemgülning dadisi we oghli ölgen, qizi qutulup qalghan؛ anisi weqening zerbisidin bir heptidin kéyin hayatidin ayrilghan. Téximu sirliq yéri qutquzushqa kelgen doxturxane aptomobili saqchilar teripidin qayturiwétilgen. Ayshemgulning déyishiche, jesetni yughuchilarmu jesetning qorsaq qismining késik we kemtükliki heqqide ispatname bergen.



Hörmetlik radio anglighuchilar, eslide weqening bashlinish nuqtisi bir aile majirasi bolup, ayshemgölning dadisi we ikki balisigha pichaq salghuchi özining ajriship ketken yoldishidur. Xitay qanuni bu qatilgha ölüm jazasi bergen. Emma shunche köp ispat we guwahchilarning bolushigha qarimay, beden organlirining buliwélinghanliqi heqqide bügüngiche héchqandaq délo turghuzmighan. Ayshemgülning erz - Shikayetlirige qulaq salghuchi orunmu chiqmighan.





Copyright © 1998-2011 Radio Free Asia. All rights reserved.

http://www.rfa.org/uyghur/xewerler/tepsili_xewer/organ-bulash-02032012213837.html/story_main?encoding=latin

Uyghuristan

Freedom and Independence For Uyghuristan!

FREE UYGHURISTAN!

FREE UYGHURISTAN!
SYMBOL OF UYGHUR PEOPLE

Blog Archive