Sherqitürkistan mustemlike astida qalghan yérim esirdin köprekwaqit, xelqimizning tarixidiki qan-yashqa tolghan, qaranghuluq qaplighan bir dewir boldi.Bu jeryanda Sherqitürkistan xelqi Xitay tajawuzchillirining qulluq tüzümige qarshi talay qétim qarshiliq bildürdi, özlirining hüriyiti we azatliqini qolgha keltürüsh yolida éghir bedellerni berdi. Emma passip xelqara weziyet we Xitay tajawuzchillirining chékidin ashqan pashistik zulumi millitimizning tajawuzchilarning boyunturiqidin qurtulup, üzil-késil milliy musteqilliqini qolgha keltürishige putlikashang bolup kelmekte.
Sherqitürkistan xelqi bu jeryanda tajawuzchilargha qarshi kürishini bir minutmu toxtatqini yoq. Bolupmu 2009-yili 5-Iyulda Sherqitürkistanning bashbaliqi Ürümchini merkez qilip partilighan Sherqitürkistan Xeliq Inqilawi Herkiti Xitay tajawuzchillirigha ünümlik zerbe bérip, ularning tarixtin béri ana wetinimizni menggülük yutiwélish heqqide tüziwatqan shum pilanlirini köydürüp külini kökke soriwetti. Xitaylar gerche Sherqitürkistan Xeliq Inqilawiy herketini taki hazirghiche qanliq basturiwatqan bolsimu, tajawuzchilar qanche essebiyleshkenche yüz bériwatqan hadisiler ularning paydisi üchün emes, pütünley eksiche milliy inqilawimizning xelqaralishishini tizlitip, bu jehette bizning tarixta yételmigen meqsetlerge yitishimizge asas yaritip,xelqara sorunlarda Xitay hökümitini qattiq passip haletke chüshürüp qoydi.
Dunyaqda hazir 2009 da yüz bergen Sherqitürkistan Xeliq Inqilawiy herkiti we Xitay hökümitining weqedin kéyinki qanliq qirghinchiliqi sewbidin Uyghurlarni we mustemlike astidiki Sherqitürkistanni bilmeydighanlarning sani intayin az qaldi.2009 diki Sherqitürkistan Xeliq Inqilwaidin kéyin Uyghur xelqining azatliq kürishige hésidashliq qilidighanlarning sani künsayin éship, Xitaylarning xelqaradiki yüz-abroyini körünerlik derijide yerge urdi.Bu ghelbilerni elbette teqdirleshke erziydu.Shu qétimqi herketni élip barghan oghlanlirimizning nami tarix betliride ebediy julalap turghusi.
Sherqitürkistan Xeliq Inqilawiy herkiti, Sherqitürkistan Milliy herkiti tarixidiki öz meqsidige toluq yetken pilanliq we programmiliq bir qétimliq inqilap bolup, bu herket xelqaragha Sherqitürkistan digen bir döletning xitay tajawuzi astida turiwatqanliqini anglatti.Bu herket Sherqitürkistan xelqining zulumgha bash egmeydighanliqini dunya xelqige yene bir qétim jakarlidi.U herket Sherqitürkistan xelqining erkinlik we hüriyet üchün tarixtikidekla üzlüksiz dawamlishiwatqanliqini, toxtawsiz tereqqiy qilidighanliqini ashkarilidi.Bu herket Uyghur we uning qérindashlirining Xitaylar bilen ölsimu qéni qoshulmaydighanliqini ispatlidi.Bu herket Xitayning kéngeymichilik qilish, zorawan we jahangir döletke aylinish xam-xiyalining chawisini chitqa yéyiwetti.Bu herket xelqimizge ishench we ghurur élip keldi. Bu herket Sherqitürkistanda özige-özi xoja, igilik hoquqigha ige bir döletning bügün tughulmisa erte dunyagha kilidighanliqidin ibaret heqiqetni yene bir qétim ispatlidi.
Biz Sherqitürkistan Sürgündiki Hökümiti bolush süpitimiz bilen, ikki yil ilgirki Sherqiy Türkistan Xeliq Inqilawiy herkiti üchün tölengen bedellerning qanchilik zor bolghanliqigha qarimay, uning weten ichi we siritida qolgha keltürgen ghayet zor ijabiy netijillirige ihtiram bilen yoquri baha bérimiz.Shuning bilen birge Sherqitürkistan Xeliq Inqilawi Herkitining aktip ishtirakchillirigha „Xeliq qehrimanliri“ dégen shereplik namni textim qilimimiz.
Axirda shu herket yolida qurban bolghan qiz-yigitlirimizni elem bilen yad étimiz we ulargha alladin rehmet tileymiz, ularning uluq iradisige warisliq qilidighanliqimizni ghurur we milliy iptixar bilen jakarlaymiz, türmide azap chékiwatqan qérindashlirimiz we ularning aile-tawabatlirigha sewir we irade tileymiz hem ulardin semimiy hal soraymiz.
Sherqitürkistan Sürgündiki Hökümiti
05.07.2009
