Milliy Herkitimizning Aktip Ishtirakchilliridin Arslan Aliptékin Ependi Wapat Boldi


Ixtiyariy muxbirimiz erkin tarim

2011-06-19

Sherqiy türkistan dawasining türkiyidiki bayraqdari merhum eysa yüsüp aliptékinning oghli, eysa yüsüf aliptékin wexpining mesuli, arslan aliptékin 2011-Yili, 19-Iyun küni, 70 yéshida késellik sewebi bilen istanbulda wapat boldi.



Merhum arslan aliptékin 1941-Yili, 18-Mart küni xitayning chongching shehiride tughulghan, 1949-Yili ata-Anisi we qérindashliri bilen birlikte keshmirge qéchip chiqqan hemde 1952-Yili türkiyige kélip yerleshken.



Arslan aliptékin 1970-Yili, dadisi merhum eysa yüsüp aliptékin bilen birlikte amérika, yawropa, ottura sherq memliketliri hindonéziye, yaponiye qatarliq ellerde ziyarette bolup, sherqiy türkistan dawasini anglatqan.



1994-Yili, istanbulda memtimin hezret bilen birlikte «sherqiy türkistan» gézitini chiqarghan.


1995-Yilidin 2000-Yilighiche bolghan ariliqta türkiyide sherqiy türkistan dewasini tonushturidighan paaliyetler bilen shughullanghan hemde türkiye prézidénti sulayman démirel bilen körüshüp, 120 uyghurning grajdanliqqa ötüsh mesilisini hel qilghan. U, uzun hayatining axirghiche eysa yüsüp aliptékin wexpining reislik wezipisini ötigen idi.





Merhum arslan aliptékin ependi türkiyidiki sherqiy türkistan dawasi paaliyetlirining aktipliridin biri bolup, u köp qétim istanbul, enqere we bashqa sheherlerde ötküzülgen muhakime yighinlirigha qatniship, sherqiy türkistan mesilisi heqqide doklat oqup, uyghur mesilisini türkiyide téximu tonulushigha küch chiqarghan idi.





Merhumning jinaza namizi 21-Iyun küni istanbuldiki faith jameside oqulmaqchi hemde istanbuldiki aile qebristanliqigha depne qilinmaqchi. Merhumning wapatini anglighan uyghur jamaetliri öz teziyilirini bildürmekte.





Copyright © 1998-2011 Radio Free Asia. All rights reserved.


http://www.rfa.org/uyghur/xewerler/tepsili_xewer/arslan-aliptekin-06202011104630.html/story_main?encoding=latin