N.Atahan*
Güzel Uyghuristan sanga nime boldi?!
Güzel Uyghuristan sanga nime boldi?!
Gülliring soluptu, qushliring tozuptu. Kishiler shunchilik jimip kétiptiki, yürek sözlirini yütiwétiptu. Közliridin qorqunch chiqip turuptu. Xuddi bet-beshire bir mexluqni körgendek. Anilarning közliridin toxtimay yash éqip turuptu. Balilar qorqqinidin mehelilerde échilip-yéyilip oyniyalmaydighan, mekteplerde öz tilida oquyalmaydighan, kochilarda erkin nepes alalmaydighan, meschitlerge yüreklik kirelmeydighan boptu.
Kishiler shunchilik solushuptiki, yüz yil, yaq ikki yüz yil, yaq uningdinmu uzaq yillarningyaqi, ularni heqqaniyet yamghuri bilen héchkim sugharmaptu! Balilarning, anilarning hem ashu qarchuqliri qurup ketken atilarning közidin yash emes qan éqiptu!
Hey Uyghuristan, sanga nime boldi?! Bizge nésip bolghan Meripet, til, senet we höriyet qeni!? Qedimki ata-bowilirimiz ming teste urush qilip, qan töküp, yaratqan möjiziler qeni!? Parlaq medeniyitimiz, atamiras tupraqlirimiz eshu kishilerdek jim-jit, yoqap kétiwatidu, qum astigha pétip kitiwatidu!
Eger eshu bichare xelqning arisidin mert ezimetler chiqip, dilliri rastchilliq hem musteqilliqni tartsa, ashu it siyaqidiki mexluqlar teripidin basturiliwatidu!
Rastchilliqni, musteqilliqni towlighan tilliri késiliwatidu!
Rastchilliqni, musteqilliqni közligen közliri oyiliwatidu!
Rastchilliqqa, musteqilliqqa érishish üchün midirlawatqan put-qollar késiliwatidu!
Ey Alla igem! Pütkül kainatni yaratqan igem! Bizge nime boldi!? Bizge nime boliwatidu!? Bu nime bolghuluq!
Bichare anilarning, atilarning közidin qan-yiring éqiwatidu ! Ular köz nuridin ayrildi! Ular jan- jigiri bolghan perzentliridin ayrildi!
Hey Alla igem, Ashu awat meschitliring qurughdilinip qaldi! Uningda ezan emes qara buran huwlawatidu. Hetta öz imanimiz bilen, sangha muhebbitimizni bildürüsh üchün qaranghu bulunglargha kirmisek bolmaydighan boldi!
Séning muqeddes jaying bolghan mekkige bérishqa teyyarliq qilghan waqtimizda, yol xetlirimiz tartiwélindi! Alla igem! Büyükler neziri chüshken güzel Uyghuristangha köz tegdimu?!Atilar mirasi, qutsal tupraqlirimizgha lenet yaghdimu!? Nime boldi!? Bu néme körgülüktu emdi!?
Yaratqan igem, bizge küch-quwet ata qil! Bizge nusret béghishla!
22-Iyul, 2007 Gérmaniye
*****
Eskrtish:
N.Atahan*___ Aptor N.Atahan 15 yash, U 1992-yili 7-ayning 15-küni Sherqiytürkistanning Bashbaliqi Ürümchide, ziyaliy ailiside dunyagha kelgen. U 7 yash waqtida resammliqqa ishtiyaq baghlighan. Sizghan eserliri muellimlerning diqqitini qozghighan. U bashlanghuch mektepke kirgendin kéyin, nurghun meshiq eserlerni yazghan bolup, ular shier, nesir, hékaye qatarliqlarni öz ichige alidu.
Uning resmiy ijadiyitini 2001-yili, yeni 5-yilliqta oquwatqan chéghida yazghan we sherqiytürkistandiki ösmürlerge ayit, dangliq onwérsal jornal „Tarim Ghunchilliri“da élan qilinghan „Acha bolmaq tes“ dégen maqala bilen bashlandi dýishkimu bolidu.
Biz bu yerde, u tetil waqtidin paydilinip yazghan "Uyghuristan Sanga Nime Boldi" dégen eserni silerge teqdim qilduq.
U hazir, bir tereptin ottura mektepning her türlük derslirini ela oqughandin bashqa, ishtin siritqi chaghlarda ijadiyet bilen shughulliniwatidu. Biz uning oqushigha we ijadiyetlirige utuq tileymiz.
___ Muherrirdin
22.07.2007
