Merhum Lidérimiz Muhemmed Imin Bughraning Hayat-Paaliyetliri Tonushturuldi


Ixtiyariy muxbirimiz Arslan

2012-01-16

Türkiye awazi téléwiziyisining «türk dunyasidin izlar» namliq programmisida uyghurlarning merhum lidéri muhemmed imin bughraning hayat-Paaliyetliri tonushturuldi.





RFA/Arslan



Merhum lidér muhemmed imin bughra türkiye awazi téléwiziyisining «türk dunyasidin izlar» namliq programmisida. 2012-Yili yanwar.

Türkiye awazi téléwiziyisi yéqindin buyan uyghurlar toghrisida arqa-Arqidin programma tarqitishqa bashlidi. Ötken hepte nesirdin ependi toghrisida programma tarqitip, nesridin ependining uyghurlar arisida keng tarqalghan letipiliri we uyghurlargha körsetken tesiri toghrisida programma tarqatqan idi. Türkiye awazi téléwiziyisi bu hepte yene «türk dunyasidin izlar» namliq programmisida uyghurlarning yéqin tarixini anglitish bilen birge, merhum lidér muhemmed imin bughraning hayat-Paaliyetliri tonushturuldi.





Sherqitürkistan Helqining Milliy qehrimani we dahisi Memtimin Bughra efendi

Muhammadimin bughra qizi fatime we küyoghli yunus bughraBu programmida uyghur ziyaliylardin tetqiqatchi éli elioghli, doktor erkin emet, doktor ömer qul, proféssor alimjan inayet we hamut köktürk, merhum muhemmed imin bughraning qizi fatime bughra we küyoghli yünüs bughra qatarliq shexsler söz qilip, muhemmed imin bughraning pütkül hayat paaliyetlirini anglatti.





Bu programmida muhemmed imin bughraning bir qisim shéir we maqaliliri öz awazi bilen anglitildi. Türkiye awazi téléwiziyisi «türk dunyasidin izlar» namliq programma bir saet dawam qilghan bolup, bu programmida muhemmed imin bughraning sherqiy türkistan azadliq yolida ötken hayat hékayisi anglitildi.





Programmida riyasetchi muhemmed imin bughra toghrisida toxtilip sözni mundaq bashlidi: muhemmed imin bughra weten, xelqi némige éhtiyaj bolsa qolidin kélidighan barliq imkaniyetlerni ishqa sélip temin étishke tirishti. U qomandan bolup buyruq berdi. Dölet rehbiri bolup bashqurdi. Oqutquchi bolup ders ögetti. Her sheyining tügeshkinini oylap ümidini üzgen kishiler üchün teselli bérip ümidlendürdi. Néme qilishni bilmey qaymuqup qalghanlarni yolgha bashlidi. Bir milletke yétekchilik qildi. U bir rehber, lidér we ümid boldi.





Muhemmed imin bughra yashighan dewrde türkistan jughrapiyisi rus we xitay otturisidiki küch körsitish urushlirida öchmes ot halgha kelgen idi. Sherqiy türkistanda bolsa zulumning nami xitay idi. Türkler her türlük hoquqtin mehrum qilinghan, ézilgen, xarlanghan we étibargha élinmighan bir dewr idi, hetta ularning mewjutluqi étirap qilinmighan bir jughrapiyide yashash kürishi qilmaqta idi. Bu elemlik pajieler muhemmed imin bughrani téximu köp öginishke, téximu köp tetqiq qilishqa ündeytti. Muhemmed imin bughra bir tereptin öginip yene bir tereptin ögitishni dawamlashturghan idi.



Muhemmed imin bughra bu heqte mundaq dégen:

Aq-Qarini perq qilghudek eqil-Idrak tapqandin bashlap xitay emeldarlirining xelqimge qilghan zulum, heqsizliq we xorlashlarni körüp qelbim azablinatti. Shuning bilen bir tereptin xitay zulumigha qarshi ghezep-Nepritim künséri köpeyse, yene bir tereptin yurtum we millitimning kélechikidin qayghulandim. Bu hés-Tuyghuning tesiri bilen millitimning tarixini öginish, dunyadiki bashqa milletlerning kona we yéngi tarix-Kechürmishlirini öginip, tetqiq qilishning qanchilik ehmiyetlik ikenlikini chüshinip yétishke bashlidim. Epsuski, men yashawatqan muhitta manga bu toghrida melumat béridighan birmu adem yoq idi. Shu sewebtin özlükümdin öginishke mejbur boldum.





Programma riyasetchisi yene mundaq dédi: muhemmed imin bughra aldi bilen dunya ehwalidin xewerdar bolush, milletlerning weziyitini bilish üchün imkaniyetning yétishiche uchur igileshke tirishti. Tijaretchiler, hajilargha oxshash chetellerge seper qilghan we tashqi dunya bilen munasiwiti bolghan kishilerdin igiligen uchurlarni diqqet bilen anglaytti. Ular keltürgen gézit we kitab-Zhurnallarni nahayiti ishtiyaq bilen oquytti we tetqiq qilatti.

Impiraturluqlarning tarix sehipisidin öchürülüshige bashlighan bu dewrlerde pütkül dunyada omumlashqan milletperwerlik oyghinish rus zéminlirighimu tesir körsetken, heq-Hoquq we azadliq mesilisi toghrisida yangraq sadalar kötürülüshke bashlighan. 1900-Yilining béshida tiz sürette tarqalghan «jeditchilik» herikiti sherqiy türkistandiki yash muhemmed imin bughraning rohigha tesir körsetken. Medeniyetlik ilim tehsil qilghan bilimlik bir yash, azadliq yolida némining muhim ikenlikini chüshinip yetken muhemmed imin bughra, tunji bolup öz oqughuchilirini teshkillep milliy inqilab teshkilati nami astida bir teshkilat qurghan shuning bilen siyasiy küresh hayati bashlanghan. Oqughuchilirini zulumgha qarshi heriket qilish kéreklikini anglatqan we ularni bu meqsette teshkilligen muhemmed imin bughra ikkinchi basquchta bu chüshenchilirini xelqqe anglitishni pilanlighan we bu chüshenchilirini emelge ashurush we xelqning ang-Chüshenche we weziyetlirini bilish üchün her qaysi rayonlirini aylinip chiqqan.





Bu heqte muhemmed imin bughra mundaq deydu: men tonushqan munewwer ziyaliylar bilen sözleshken waqitta yüreklirining derd-Elemler bilen tolghanliqini hés qildim, emma emeliy heriket qilish yeni qoralliq küresh qilishqa mana men hazir deydighan peqet birla ademni yeni sabit damollamni tapalidim we uning bilen kéche-Kündüz muzakire élip bardim.





Bésim, naheqchilik we zulumgha qarshi sherqiy türkistanda xitaygha qarshi qozghilang kötürülüshke bashlidi. Muhemmed imin bughra bashqa rayondiki heriketlerge qatnishalmighan teqdirdimu, xotende bolsimu heriket bashlash peytining kelgenlikini tonup yetken idi. 1931‏-Yili muhemmed imin bughra ikki oqughuchidin terkib tapqan bir teshkilat qurghan we tunji meqsiti teshkilatning ezasini köpeytish, iane toplash we qoral tépish bolghan. Bu meqset bilen bir yil xizmet ishlesh netijiside teshkilat ezasi 300 ge chiqqan we 50 dane kona qoral toplighan. 1932‏-Yilining béshida sabit damolla türkiye we hindistanni ziyaret qilip yurtqa qaytqan we sherqiy türkistan üchün ehmiyetlik melumatlar élip kelgen. Imkaniyitining yétishiche adem we qoral küchini we öz dairisidiki istratégiyilik pütkül melumatlarni toplighan. Maddiy jehettin yoq déyerlik iqtisad toplighan bolisimu, meniwi jehettin bay bolup héchbir nersining yoqluqidin shikayet qilmaydighan we ümidsizlikke uchrimaydighan halda meniwi bayliqqa ige idi we heriket qilish yolida mustehkem idi. 1932-Yilining axirida pütkül xelq oyghinip sherqiy türkistanning, qumul,. Altay, turpan we qeshqer qatarliq paytext ürümchidin bashqa pütkül sheherler azad bolup milliy armiyining qoligha ötken. Qeshqerning yéngisardin bashlap chaqiliqqiche bolghan jughrapiye muhemmed imin bughra bashchiliqidiki mujahidlarning küreshliri bilen azad bolghan. 1933‏-Yili 11‏-Ayning 12‏-Küni pütkül bu milliy teshkilatlar qeshqerde toplinip sherqiy türkistan islam jumhuriyitini qurdi.





Bu programmida yene muhemmed imin bughraning afghanistandiki hayat-Paaliyetliri we türkiyidiki hayat paaliyetliri heqqide toxtalghan qizi fatime bughra sözide özi 5 yash waqtida dadisi muhemmed imin bughraning xotende inqilab bashlighanliqini shundaqla dadisidin 1933-Yili ayrilip 1943-Yili qaytidin uchrashqanliqini ipadilidi.





Programmida muhemmed imin bughraning küyoghli yünüs bughra ependi muhemmed imin bughraning yashlarni yétishtürüshke alahide ehmiyet bergenlikini shu sewebtin afghanistandiki waqtida général mehmet rizabékin qatarliq 5 uyghur yashni türkiyide herbiy mektepte oqush üchün ewetkenlikini ipadilidi.


http://www.rfa.org/uyghur/xewerler/tepsili_xewer/muhemmed-imin-bughra-01162012141419.html?encoding=latin


Copyright © 1998-2011 Radio Free Asia. All rights reserved.

TÜRK DÜNYASININ BAŞI SAĞOLSUN! RAUF DENKTAŞ UNUTULMAYACAKTIR




JANUARY 13, 2012 LEAVE A COMMENT

KKTC Kurucu Cumhurbaşkanı, Kıbrıs Türkü’nün lideri ve şahsen “manevi babam” olan Rauf Denktaş’ın vefatından dolayı büyük üzüntü içindeyim. Yalnız Kıbrıs Türkü değil, 250 milyonluk Türk Dünyası yiğit, kahraman bir evladını kaybetmiştir. Bir dava adamını kaybetmenin ötesinde, bir “tarih” göçmüştür… Sürgündeki Doğu Türkistan Hükümeti olarak; Türkistan Türkü’nün de manevi lideri olan Denktaş’ın son nefesine kadar sürdürdüğü milli mücadelesinden her zaman ilham almaya devam edeceğiz… Hepimizin başı sağolsun… Türk Dünyası’nın başı sağolsun. ..

İSMAİL CENGİZ

Doğu Türkistan Sürgün Hükümeti Başbakanı

13.01.12

Yawrupa Sherqiy Türkistan Birlikining 18 - Nöwetlik Saylimi Ötküzüldi


Ixtiyari muxbirimiz Ekrem

2012-01-09

Yawrupa sherqiy türkistan birliki teshkilatining 18 - Nöwetlik saylimi 8 - Yaniwar küni gérmaniyining myunxén shehiride ötküzüldi.





Photo: RFA



Sürette yawrupa sherqiy türkistan birliki teshkilatining kona idare heyet ezaliri



Saylamgha köp sanda uyghurlar qatnashti. Saylamgha mezkur teshkilatning muawin reisi perhat muhemmidi ependi riyasetchilik qildi. Her qétimqigha oxshash, bu nöwetlik saylammu sherqiy türkistan istiqlal marshini oqush bilen bashlandi.

2006 - Yilidin 2012 - Yili 8 - Yaniwarghiche yawrupa sherqiy türkistan birliki teshkilatining reislikini ötep kelgen dolqun eysa ependi saylamdin ilgiri söz qilip, teshkilatning 5 yildin buyanqi siyasiy, ijtimaiy paaliyetliri üstide doklat bérip ötti. Dolqun eysadin kéyin sözge chiqqan teshkilatning bash katipi gülnar xanim yawrupa sherqiy türkistan birlikining maliye ehwalidin doklat bérip ötti.



Yighin jeryanida, ilgiri yawrupa sherqiy türkistan birliki teshkilatida wezipe élip xizmet körsetken gülnar xanim, abdushükür ependi we weli ependiler weten xizmiti yolida körsetken netijiliri üchün teshkilat teripidin alahide layihilengen lewheler bilen teqdirlendi. D u q muawin reisi esqerjan ependi mukapat tarqitish aldida, ulargha yuqiri bahalarni berdi.



Saylamdin ilgiri shéhitlerge atap quran tilawet qilindi. Saylam démokratik usulda élip bérilip, abdujélil qarihajim reislikidiki 13 neper yéngi namzat yawrupa sherqiy türkistan birliki teshkilatining idare heyitidin orun aldi. D u q muawin reisi esqerjan ependi, bu qétimqi saylamning démokratik prinsiplargha toluq emel qilghan bir saylam bolghanliqini mueyyenleshtürdi. Yawrupa sherqiy türkistan birliki teshkilatining yéngi reisi abdujélil qarihajim saylamgha qatnashqan jamaetke öz iradisini ipade qildi.





Copyright © 1998-2011 Radio Free Asia. All rights reserved.

http://www.rfa.org/uyghur/xewerler/tepsili_xewer/yawrup-sherqiy-turkistan-01092012213224.html/story_main?encoding=latin

Six-year-old Missing After 'Terror' Incident

2012-01-08

New details emerge about the seven Uyghurs killed in a hostage incident in China’s restive Uyghuristan.




Photo: RFA

Guma (in Chinese, Pishan) county, in Hotan prefecture in Uyghuristan, where police shot seven Uyghurs in a standoff on Dec. 28, 2011.

A six-year-old ethnic Uyghur boy has been missing for 11 days in China's troubled Uyghuristan region amid speculations he may have been shot when police personnel opened fire and killed seven Uyghurs, who were with him and branded by the Chinese authorities as terrorists, local villagers said.

Social groups have demanded that the authorities explain the boy's whereabouts after officials charged that he had thrown stones at police personnel involved in the Dec. 28 incident, in which a senior police officer was also killed, reportedly after being stabbed by one of the Uyghurs.
Some villagers speculated that the boy may have been shot and possibly killed in the clash that occurred in Mukuyla township, Guma (in Chinese, Pishan) county, Hotan prefecture.


The boy's mother had confirmed that he was with the group of Uyghurs involved in the confrontation with the police.


Five other Uyghur children are still in police custody following the incident.


“Our [ruling Chinese Communist] party secretary Deng Jiaojun said at a meeting that a six-year-old boy took part in the standoff and threw stones at police. At the beginning I could not believe my ears, but Deng repeated and emphasized that point a few times during the meeting,” said Buzeynep, head of the Mukuyla Women’s Union.
The party secretary made the remarks at a meeting alongside the mayor and deputy mayor the day after the incident.
Chinese authorities have classified the case as terrorism, saying the Uyghur group had taken two hostages and stabbed the county's deputy police chief, Adil Abduveli to death.


“Deng Jiaojun mentioned that a six-year-old child took part in the standoff,” village committee head Turahmet Mijit said.


“Among the public there is speculation that a six-year-old child was … shot on the spot. Some people say the police accidentally killed the six-year-old in the incident and produced a story about how he was throwing stones to cover or excuse their mistake,” Turahmet Mijit said.
Asked about the atmosphere in his village since the incident, he said there was no sign of unrest, except dissatisfaction that officials had not turned over the bodies of those killed and freed the children.

"Everything is OK. There is no sign of any potential standoff since the incident, just a few people complaining that the dead bodies have not yet been returned to the families. I believe that our police officers can convince them not to disturb public order during this sensitive time," he said.


Dead identified


Six of the seven Uyghurs killed by police in the incident, according to village committee heads in Mukuyla township, were identified as: Abdumijit Seydehmet, 25; Abliz Seydehmet, 30; Hebibulla Abduqadir, 26; Ablikim Abduqadir, 40, all men; and Burabiye Abduqadir, 29, and Buzohre Seydehmet, 27, both women.
All of them are from Mukuyla, and according to one village committee head, at least three of them are siblings – Abdumijit, Buzohre, and Abliz Seydehmet.


The Uyghuristan (Xinjiang regional Communist Party) propaganda office reported that on Dec. 28 police had shot and killed seven “terrorists” who had “taken two hostages,” but did not release further details about those killed.



Other official reports said that those killed were part of a group on their way to join Uyghur terrorist cells in neighboring Pakistan.



The Uyghur group was trying to flee China into Pakistan but apparently got lost along the way, according to state media reports. Residents alerted police when the group sought directions.



Guma county lies on the southern edge of the vast Taklamakan desert near the border with India and Pakistan.



Beijing has often said that its primary terrorism threat comes from the Uyghuristan region where Uyghurs, a Turkic-speaking Muslim people, resent Chinese rule and controls on their religion, culture, and language.



Reported by Shohret Hoshur for RFA’s Uyghur service. Translated by Shohret Hoshur. Written in English by Rachel Vandenbrink.





Copyright © 1998-2011 Radio Free Asia. All rights reserved.

http://www.rfa.org/english/news/uyghur/pishan-01082012183247.html

Sherqitürkistan Maarip We Hemkarliq Jemiyiti Heyitining 10 Künlük Yawropa Ziyariti Axirlashti


2012-01-06

Sherqiy türkistan maarip we hemkarliq jemiyitining bashliqi hidayetulla oghuzxan qatarliq 4 kishilik heyetning 10 künlük yawrupa ziyariti muwppeqiyetlik axirlashti.





Photo: RFA



Sherqiy turkistan maarip we hemkarliq jemiyiti heyiitining 10 konluk yawrupa ziyaritidin bir körünüsh



Sherqiy türksitan maarip we hemkarliq jemiyitining reisi hidayetulla oghuzxan, bash nazir abdulhekimxan mexsum, seudi erebistan jidde radiosining riyasetchisi sirajidin eziz, uyghur ziyaliy abdulehed uchqun qatarliq 4 kishidin terkip bir heyet 2011 - Yili 12 - Ayning 22 - Künidin 2012 - Yili 1 - Ayning 3 - Künigiche, shiwétsiye, gollandiye, bélgiye, daniye, gérmaniye, finlandiye, shwétsariye we fransiye qatarliq yawrupa döletlirini ziyaret qilip u döletlerde yashawatqan uyghurlar we bir qisim uyghur jemiyetler shundaqla xelqaraliq ammiwiy teshkilatlarning rehberliri bilen uchrashti we uyghur mesilisi toghrisida pikir almashturdi.



Bu heyet ziyaret jeryanida, shwétsiye parlamént ezasi mehmet qaplan, dunya uyghur qurultiyining yawropada turushluq wekili memet toxti. Shiwitsariyde turushluq uyghur ziyaliy enwer raxman, gollandiye sherqiy türksitan maarip we hemkarliq jemiyitining mesulliri, sherqiy türkistan uchur merkizining reisi abdujélil qaraqash qatarliq muhim shexsler bilen uchrashti we uyghurlar toghrisida pikir almashturdi. Ziyaret jeryanida her qaysi döletler turushluq uyghurlar bilen xizmet heqqide muzakiriler élip bérilghan, uchrishishta yene xizmet - Paaliyetler toghrisida teklip - Pikirler otturigha qoyulghan. 4 Kishilik bu heyet 2012 - Yili 1 - Ayning 3 - Küni yawrupa ziyaritini axirlashturup istanbulgha qaytip keldi.



Biz bu ziyaret toghrisida sherqiy türkistan maarip we hemkarliq jemiyitining bashliqi hidayetulla oghuzxan we uyghur ziyaliy sirajidin eziz qatarliq shexsler bilen söhbet élip barduq.





Copyright © 1998-2011 Radio Free Asia. All rights reserved.

http://www.rfa.org/uyghur/xewerler/tepsili_xewer/sherqiy-turkistan-maarip-heyiti-01062012204839.html/story_main?encoding=latin

Merhum Muhemmed Rohiy Uyghur Paaliyetliri


Ixtiyari muxbirimiz Omerjan

2012-01-06

Her xil sewebler we her xil türtkiler tüpeyli ana wetinidin ayrilip chetellerde yerliship qalghan uyghurlarning sergüzeshtilirimu her xil bolghan. Ulardin beziliri özlirining ijadiyiti we jemiyettiki orni seweblik özining mewjudliqidin iz - Dérek béreligen bolsimu, nurghunliri xuddi qumluqqa singip ketken sudekla iz - Déreksiz yoqalghan.





Türkiyidiki uyghur ziyaliysi kamiljan meripet zhurnilida élan qilinghan «muhemmed rohiy uyghur qeshqirining qisqiche terjimihali» dégen maqaliside munularni yazidu: «öz tarixini untughan milletni tarixmu untuydu. Tarix teripidin untulghan millet dunyadimu öz mewjutluqini yoqatqan bolidu. Gerche biz tarix teripidin untulghan millet bolmisaqmu, muhemmed rohiy uyghur qeshqirige oxshash tarixning bizni untup qélishigha özining gégant eserliri bilen qetiy yol qoymighan töhpikar alimlirimizni untup qélishimizning özi, del tarixning bizni untup qélishigha yol qoyuwatqanliqimizdin dérek béridu, elwette. Biz muhemmed rohiy uyghurning oghli muhemmed boghra uyghur bilen 2001 - Yili 8 - Ayda karachida körüshüp, uning eslep bergenliri asasida, bu qisqiche terjimihalni retlep chiqishqa muyesser bolduq. Muhemmed rohiy uyghur miladiye 1911 - Yili üstün atushta bir tijaretchi ailiside dunyagha kelgen. 1932 - Yili yégirme bir yashliq muhemmed rohi uyghur qeshqiri weten, xelqining özige béghishlighan méhri - Muhebbitige jawab qayturush üchün pakistangha mangghan namelum bir karwangha qétilip, pakistanning pishawur shehirige yitip kélidu we u yerde bir mezgil turghandin kéyin afghanistanning kabul shehirige bérip ereb, türk, poshtu we pars tillirini pishshiq öginip, shu tillarda her xil shéir, ilmiy maqalilerni yazghan.»



Kamiljan maqaliside yene mundaq dep yazidu:«u pars, poshtu edebiyat sahesige qedem qoyup, azghina waqit ichidila afghan xelqining qayilliqini qolgha keltürgen we afghanistandiki meshhur «enis» namliq poshtu tilidiki gézitining muherrirlik xizmitini ishligen. U bu jeryanda «türkler éptixari» dégen ereb tilidiki chong hejimlik tarixi kitabini yézishqa kirishken. Hemde uyghurlargha ait nurghun maqale,xewer,ochiriklarni yézip afghan xelqige tonushturghan bolup, pars tilida yézilghanliri ichide biz peqet hazir pakistandiki aliy mekteplerning ottura asiya tetqiqat merkezliride we herqaysi kutupxanilirida saqliniwatqan «yipek yolidiki xoten dastani» dégen tarixi maqalisi bilen «rohi qayghusi» namliq shéirlar toplimining esli orginali bilenla uchrishishqa muyesser bolaliduq.1955 - Yili pakistan radio istansisi türkche anglitish bashlighanda, muhemmed rohi radio istansining tallash émtihanidin muweppeqiyetlik ötüp, uyghurche anglitishni bashlaydu. Shuning bilen radio istansisining teminlishi bilen bir yürüsh qura jaygha ige bolidu. Emma uning bu ilman turmushimu uzungha barmaydu. Ömri téxi yette aygha barmighan bu anglitish toxtitilidu. U karachida turush jeryanida 1959 - Yili ingliz tilda yézilghan «taxarlarning esli yurti» namliq meshhur tarixi esiri neshrdin chiqidu. Arqidinla ordu tilida yézilghan «tippu sultanning osmaniye xelipisige yazghan mektupliri» namliq tarixi esirimu élan qilinidu. Hemde «türklerning islam dinigha qoshqan töhpiliri» namliq maqalisimu ingliz, ordu tilliridiki dangliq zhurnallarda élan qilinishqa bashlaydu. Uningdin bashqa yene, biz uchrishishqa sazawer bolghan, téxi neshrdin chiqmighan «yéngi échilghan güller» namliq shéirlar toplimi,«türkler iptixari» namliq chong hejimlik ereb tilida yézilghan tarixi kitabi we uning uyghurche terjimisimu orginal halitide pakistandiki ataqliq kutupxanilarda saqlanmaqta».





Muhemmed rohiy uyghur qeshqirining wapati



Kamiljan yene mundaq dep yazidu: «qisqisi imani we mesuliyet tuyghusi oyghaq bu ot yürek, mol - Husulluq alimimiz öz hayatini ghurbetchilikte ötküzgen bolsimu, lékin ene shundaq addiy sadda, menilik ötküzüp, miladiye 1965 - Yili 12 - Ayning 8 - Küni bu dunya bilen widalashti. Uning karachidiki qebrisining üstige :



Héch ish qilalmay kettim jahandin,

Xuda dep iy méhriban perwerdigarim,

Béshimgha bir tutam gülni qil sowgha,

Échilsa ger béghimda güli arminim



Dégen misralar yézilip neqishlengen.»





Copyright © 1998-2011 Radio Free Asia. All rights reserved

http://www.rfa.org/uyghur/xewerler/tepsili_xewer/muhammad-uyghur-01062012202127.html

Mukuyla Weqeside Ölgen We Yarilanghanlardin Yene Bir Qismining Kimliki Ashkarilandi


2012-01-06

Xotende mukuyla weqesi yüz berginige bügün 10 kün boldi, xitay hökümiti weqede ölgen we yarilanghanlarrning kimlikini izchil halda yoshurup kelmekte. Radiomizning yéqinqi künlerdiki igileshliride, weqede ölgenlerdin yene ikki nepiri we tutulghanlardin bir nepirining kimliki ashkarilandi.





RFA



Xeritide xoten guma nahiyisining orni körsitilgen.



Netijide hazirgha qeder, weqede ölgenlerdin 6 kishining, tutulghan bala we ösmürlerdin ikki kishining kimlikliri aydinglashti. Töwende muxbirimiz shöhret hoshurning bu heqte teyyarlighan tepsiliy xewirini anglaysiler.



Hürmetlik radio anglighuchilar yuqiriqi we bundin awwalqi igiligen melumatlirimizdin qarighanda, weqede ölgen yette kishidin 6 nepiri töwendikiche:



Abdumijit seydexmet, 26 yash, mukuylaning 19 - Kentidin؛



Buzöhre seydexmet, 27 yash, mukuylaning 14 - Kentidin؛



Abiz seydexmet, 30 yash, mukuylaning 19 - Kentidin؛



Hebibulla abduqadir, 26 yash, mukuylaning 8 - Kentidin؛



Burabiye abduqadir, 29 yash, mukuylaning 3 - Kentidin؛



Ablikim abduqadir, 40 yash, mukuylaning 8 - Kentidin.



Bu alte kishining isim - Pamililiridin qarighanda, ularning öz - Ara qérindashliq munasiwiti barliqi we ikki chong ailige mensupliqi bayqalmaqta. Biz yene tutup turuliwatqan 5 neper bala we ösmürning ehwalini igilesh üchün, yene bir qisim orunlargha téléfon qilduq:



Yuqiriqi melumatlardin qarighanda, tutup turuliwatqan 5 neper bala we ösmürning ikki nepiri töwendikiche:



Memet ablikim, 9 yash, mukuyla bashlanghuch mektepning 3 - Yilliq oqughuchisi.



Memtimin yüsüp, 16 yaki 17 yash, mukuylaning 20 - Kentidin.



Yene ashkarilinishiche, 28 - Dikabir küni xitayning saqchi qisimliri bilen uyghur hijretchiler arisida chiqqan toqunush meydanida, qarshliq körsetkenler arisida 6 yashliq bir balimu bar.



Hörmetlik radio anglighuchilar, xitay saqchilirigha tash atqan bu alte yashliq balining weqede ölgen abdumijit seydexmetning oghli ikenliki melum. Emma uning étip öltürülgen yaki hayat qalghanliqi éniq emes. Hazirghiche ashkarilanghan ölgüchiler arisida bir kishining kimlikining téxi melum bolmasliqi shundaqla yene, weqedin aman qalghan 5 balining ichide 6 yashliq birining bolmasliqi, mezkur 6 yashliq balining neq meydanda öltürülgenlik éhtimalliqini otturigha chiqarmaqta.





Copyright © 1998-2011 Radio Free Asia. All rights reserved.

http://www.rfa.org/uyghur/xewerler/tepsili_xewer/guma-mukuyla-weqesi-01062012213204.html/story_main?encoding=latin

Women Killed, Children Captured In Standoff


2011-12-30

Women and children were among a group of Uyghurs confronted by authorities while fleeing China.


New details emerging from China’s northwestern Uyghuristan (Xinjiang) region indicate that at least two of seven ethnic Uyghurs killed in a confrontation with police were women, and that children as young as seven years old were among those detained following the violence.



Police in the southern city of Hotan shot and killed seven "terrorists" who had “taken two hostages” on Wednesday, according to the Xinjiang regional Communist Party propaganda office.



Reports varied on the total number of people taken into custody following the incident in Mukula village, with some saying as few as four and others as many as eight.



“Two of the seven people killed by the police in the mountains were women. They are 29-year-old Burabiye Anduqadir and Buzohre Seydehmet. Their bodies are being held by the county Public Security Bureau,” Mukula village chief Minever Ehmet told RFA on Thursday.



“The four captives are children aged seven to 17 years of age. One child is an elementary school student in second grade. They are being interrogated by the county.”



When asked about the condition of the seven year old child, Ehmet said he was “still alive,” implying that he may have been severely injured in the shooting.



It was unclear whether any children were among those killed by police.



Beijing has often said that its primary terrorism threat comes from the Uyghuristan (Xinjiang) region, where Uyghurs, a Turkic-speaking Muslim people, resent Chinese rule and controls on their religion, culture and language.



A police source had also told RFA earlier Thursday that the deputy police chief of Hotan’s Pishan county was stabbed to death during the confrontation.



According to the Mukula village chief, local officials have been working hard to hold back details from the family members of the slain Uyghurs.



Ehmet said authorities had been keeping details of the incident under wraps in order to “maintain stability” in the community. He said the village was under a security clampdown.



“Officials and police are focusing on working to prevent any reactionary incident from the families and relatives of those killed. In order to maintain stability during the funeral, officials have been talking with the families and explaining why the police fired on them.”



Seeking religious freedom



Memet Eziz Hapiz, chief of the No. 8 hamlet of Mukula village, said many of those killed and detained were from his jurisdiction.



“Two of the dead were from my hamlet. Their names are Ablikim Abduqadir, 40, and Hebibulla Abduqadir, 26. I believe that at least two of the captives are from my hamlet, but I have not yet been informed by officials because of the ongoing investigation.”



Hebibulla Abduqadir had been previously detained, he said. Two years ago he was held for three months after he attended an “illegal” religious class in Artush city.



"All of them were firm in their religious beliefs and liked to live according to their beliefs. That is why they were unhappy and unsatisfied with the country's religious policy. “



He said the group had been attempting to flee to a foreign country where they could practice their religion unhindered when they were confronted by police. Pishan county lies on the southern edge of the vast Taklamakan desert near the border with India and Pakistan.



Border attempt



A police officer from the Pishan county Public Security Bureau confirmed to RFA in a phone interview that the group had been trying to leave China.



"The 'traitors' tried to illegally cross the border and seek political asylum from an enemy country," he said.



The officer said that most of the group members were from Mukula village and that the police had acted to block them based on information they had obtained about their travel plans.



“The police reached them at the mountain near Qoshtagh village. At first, they were treated very nicely—the officers simply asked that they give up their plan and return to the village—but the traitors refused and got into an argument with them,” he said.



“Then they stabbed [police officer] Adil Abduweli, just because of he caught one of the women. After that, our armed forces took over and conducted the operation. One traitor escaped and we are in the midst of an operation to capture him."



The officer said that he was not present at the incident, but had heard the information from his coworkers at the Public Security department. He then hung up without giving his name.



A resident of Mukula village confirmed that the group of Uyghurs planned to travel to a neighboring country.



“Recently, village officials and police officers had made a lot of trouble for people who were more firm in their religious beliefs,” the villager said, implying that the group meant to leave China to apply for refugee status in another country.



“The fight between the [deputy] police chief and the fleeing group started after the officer caught one of the group member’s wives.”



Reported by Shohret Hoshur for RFA’s Uyghur service. Translated by Shohret Hoshur. Written in English by Joshua Lipes.



http://www.rfa.org/english/news/uyghur/standoff-12302011172046.html



Copyright © 1998-2011 Radio Free Asia. All rights reserved

Sherqitürkistan Xelqining 12-Dikabir Yashlar Bayrimigha Qutluq Bolsun!

Buningdin 26 yil awal yeni 1985-yili 12-Ayning 12-Küni Millitimizning zulumgha bash egmes, azatliq we hüriyiti üchün üzlüksiz küresh qilish enenisige ige Aliy mekteplerde oquwatqan munewer qiz- yigitliri Xitay tajawuzchillirining milliy mustemlikisi we qulluq tüzümige qarshi qozghulup, kochilargha chiqip namayish qilip, Xitay hökümitining Sherqitürkistanda berpa qilghan hakimiyet binasini bir qétim qattiq tewritiwetkenidi. Sherqitürkistanning munewer qiz-yigitliri Xitay tajawuzchilirigha “Weten bizning, Wetinimdin chiqip ket !”, dep warqirisa, untulghan bu tupraqtin ümidini kesken pütün dunyagha “Bu wetenning warisi biz!Qul bolmaymiz!”dep jakarlidi. Shu qutluq kündin bashlap xelqimiz bu künni yashlar bayrimi süpitide xatirlep kelmekte!




Bu qétimqi herket Sherqitürkistan Uniwérsititini merkez qilip shu yili 12-Ayning 10-we 11- küniliri bashlanghan bolsa 12-küni resmiy yoquri dolqungha kötürülüp, awal eziz wetinimizning bashbaliqi Ürümchidiki barliq Aliy we ottura téxnikum mekteplirige andin 19-künigiche bolghan arliqta wetinimizning shimaliy we jenubidiki Ghulja, Qaramay, Altay , Aqsu, Qeshqer, Hoten we Qumul qatarliq sheherlergiche kingiyip yerlik qonchaq hökümetlerni qattiq sarasimge séliwetti.



Shu qétimqi herketke Uyghurlardin bashqa yene qérindash milletlerning oghol-qizlirimu bir yaqidin bash, bir yengdin qol chiqirip, ottek qizghin we yüksek jasaret bilen qatniship, özlirining xitay hökümitige bolghan ghezep-nepritini, ana weten we Uyghur xelqige bolghan hésidashliqini hem halal süt bergen weten-millet aldidiki wijdaniy buruchini ada qildi.



Sherqitürkistan yashliri 1)Xitaylar wetinimizdin chiqip ketsun!, 2) Sherqitürkistanning yerasti we yerüsti bayliqi bizning!, 3) Sherqitürkistanliqlargha qaritilghan pilanliq tughut toxtutulsun!, 4)Milliy maaripimiz eslige keltürülsun!, 5)Sherqitürkistanda Atum bombisi siniqi toxtutulsun!, 6) Sherqitürkistanda erkin we démokrattik saylam tüzümi yolgha qoyulsun!, 7)Xitay aqqunlirining wetinimizni ayaq-asti qilishigha yol qoymaymiz!, 8)Bizge démokratiye kérek!, 9)Bizge azatliq kérek! degen shuarlarni towlap mustemlike astida yashawatqan mezlum xelqimizning yürek sadasini weten asminida jaranglatti.



Bu herket Sherqitürkistanda ikkinchi jumhuriyitimiz qurulghandin kéyin élip bérilghan herket programmisi éniq, siyasiy ghayisi rushen, pütün Sherqitürkistanda 20 mingdin artuq kishi ishtirak qilghan külimi zor, tesiri küchlük we düshmenge zerbe bérishchanliqi eng uzaqqa sozulghan, weten ichi we weten siritida shuningdin kéyin barliqqa kelgen barliq qarshiliq körsütish herketlirige meniwiy herketlendürgüch küch bolup qalghan bir qetimliq yashlar inqilawi bolup , elbette menggü xatirleshke erziydu.



1985-yili 12-dikabirda Sherqitürkistan yashlar herkiti partilighandin kéyin milliy herkitimiz tarixidiki yéngi sehipe échildi. Shu inqilap tupriqida apiride bolghan 20,000 din artuq istiqlal uruqi kölümi 2 milyon kuwadirat kilométirdin ashidighan muqeddes wetinimizning chet-yéza qishlaqlirigha sürgün qiliwétildi. Ular özining kindik qéni tökülgen tupraqlarda chetke qéqildi, xorlandi we kemsitildi. Bundaq bir rehimsizlik ularning qelbidiki milliy öchmenlik otini téximu yélinjitip, keyni-keynidin yétiliwatqan ewlatlirimizgha kam bolsa bolmaydighan jenggiwar oqutquchilar qoshunini yétildürüp berdi. Ular xelqimizning 30 yilliq yürek qéni bedilige yitiship chiqqan ghayet zor bir ziyalilar qoshuni bolup, xelqimizge bolupmu yash ösmürlerge 26 yildin béri Sherqitürkistan 12.dikabir yashlar herkitining idiologiyesi we siyasiy ghayisini iptixar we pexirlinish tuyghusi bilen anglitip, we her yili 12-Dikabirda oxshimighan paaliyetlerni teshkillep, shu qétimqi herketni bayram süpitide xatirlep yéngi ewlatlarning qelbide meshel bolup yanmaqta we weten ichi hem siritidiki milliy herkitimizde mushkul wezipilerni üstige élip, chishini-chishigha chishlep, yükning éghirini kötürüp sepning aldida mangmaqta!



Shu qétimqi weqege qatnashqanlar zulumdin rohi pükülgen Sherqitürkistan xelqining meniwiyitige melhem bolghan bolsa, araq-arqidin yitiship chiqiwatqan Sherqitürkistan yashlirining wetenperwerlik, milletperwerlik, qerindashliq, birlik,  ittipaqliq rohini tawlap kélichekke ümid we ishench bilen qaraydighan kishlik qarashni tikliwélishigha xasiyetlik bulaq bolup kelmekte.Ular hazir piship yétildi, xitaylarning qorquwatqan yéri del bu.Hazir ularni milly dawadin uzaqlashturush we yétim qaldurush oyuni oyniliwatidu!Xelqimiz her waqit segek bolishi kérek!



Biz Sherqitürkistan Sürgündiki Hökümet bolush süpitimiz bilen Shanliq 12-dikabir yashlar herkitining barliq ishtirakchillirigha aliy ihtiramimizni bildürimiz we ularni wetenning kélichigi, milletimizning hürliki üchün xéyim-xeter we japa-musheqetlerdin qorqmay, téximu ittipaqliship küresh qilip, küchlük düshmen üstidin ghelbe qilishqa chaqrimiz!



Hey 12-dikabir yashliri yük silerning üstünglarda idi, téximu éghirlashti, siler millitimizning méngisi we soqup turghan yüriki!Bu xelq yaxshi bolsun, yaman bolsun özenglarning pushti!Ular silerdin nimilerni kütiwatidu obdan bilisiler, silerning eqiliy bayliqinglarning we maddiy bayliqinglarning hetta tomurunglarda éqiwatqan issiq qéninglarning heqiqi igisi bolghan xelqinglargha nezer tashlanglar! Hey 12-dikabir yashliri xelqimiz silerni heqiqi dada bolghanda weten azat bolidu, démigenmidi!?Ularni tashlimanglar, yaxshi-yaman künlerde ularning yénida bolunglar!Ulargha yol bashlanglar!



Bu azaqqa sozulghan, aghriq azabigha tolghan we éghir bedellerni töleshke bexish étilgen muqeddes yolda Xitaylar emes siler haman bir küni ghelbe marshini yangritisiler! Siler Sherqitürkistanning asminida yélinjap turghan ümid yultuzi! Ay-yultuzluq kök bayraq silerning yürek qéninglar bedilige uzaqqa qalmay tengritéghi üstide lepildeydu!



Sherqitürkistan Sürgündiki Hökümiti





12-Dikabir 2011 Gérmaniye



Uyghurorgan@gmail.com


http://eastturkistaninfo.com/2011/12/11/sherqiturkistan-12-dikabir-yashalar-bayrimigha-qutluq-bolsun/
 

Muhemmed Imin Bughraning Yapon Diplomatliri Bilen Élip Barghan Munasiwetliri


Ixtiyariy muxbirimiz Arslan

2011-12-07

Yaponiyining 1934‏-Yili 11‏-Aydin 1938‏-Yilighiche bolghan mexpiy arxiplirining ichide yaponiyining kabulda turushluq bash elchisi bilen muhemmed imin bughraning söhbet xatirisi kishilerning diqqitini tartqan.





RFA/Arslan

Muhemmed imin bughra (1901-1965)

Yéqinda istanbulda ötküzülgen sherqiy türkistan jumhuriyetlirini xatirilesh yighinida, enqere uniwérsitéti til-Edebiyat fakultétining oqutquchisi doktor erkin emet, merhum lider muhemmed imin bughraning eyni zamanda yapon diplomatliri bilen yézishqan xet-Chekliri toghrisida, yaponiye metbuatlirida élan qilinghan arxiplargha tayinip turup yazghan tetqiqat maqalisini oqup ötti. Bu maqalide merhum lider muhemmet imin bughraning afghanistanda turup élip barghan paaliyetliri, yaponiye qatarliq bashqa döletler bilen élip barghan diplomatiye munasiwetliri we yézishqan xet-Chekler toghrisida toxtaldi.



Doktor erkin emet muhemmet imin bughra toghrisida yazghan tetqiqat maqalisini oqup ötti. 2011-Yili dékabir, türkiye
Yéqinda yaponiye 1930-1940-Yillar arisidiki mexpiy arxiplirini tetqiqatchilargha achqan. Bu arxiplarning arisida eng diqqet tartqan arxip bolsa, 1934‏-Yili 11‏-Aydin 1938‏-Yilighiche bolghan ariliqta, yaponiyining kabulda turushluq bash elchisi bolup wezipe ötigen kitada masamoto bilen muhemmed imin bughraning söhbet xatirisi. U bu heqtiki tunji télégrafni yaponiyining tashqi ishlar ministiri xiratogagha ewetken bolup, u télégrafta mundaq déyilgen: «xoten emiri öz wetinining chégrasida ghérib halette yashimaqta». Bash elchi 1936‏-Yili 1‏-Ayning 15‏-Küni yaponiye tashqi ishlar ministirliqigha yollighan télégrafta, muhemmed imin bughraning afghanistangha kelgenlikini, muhemmed imin bughraning pütkül sherqiy türkistan xelqining yaponlargha chongqur hörmet bilen qaraydighanliqini bildürgenlikini, manjuriyining musteqilliqining, uyghur xelqige chong bir ilham menbesi bolghanliqini, shuning üchün sherqiy türkistandiki sowét küchlirini qoghlap chiqirishqa közi yetkenlikini, shuning üchün yaponiyidin afghanistan wasitisi arqiliq 5000 dane miltiq, 100 dane aptomat bérishni telep qilghanliqini bildürgen.





Bash elchi kitada masamotu muhemmed imin bughraning, «öz küchimiz bilen sowét ittipaqining küchlirini zéminimizdin qoghlap chiqirimiz» dégen sözige tayinip turup, 1936‏-Yili 5‏-Ayning 4‏-Küni yaponiye tashqi ishlar ministiri arita xachirogha, uyghurlarning ruslargha bolghan nepritini bildürgen bir télégraf yollighan. Télégrafta mundaq déyilgen:

«Sherqiy türkistanning weziyiti yaponiye üchün nahayiti paydiliq. Engliye bilen sowét ittipaqi nahayiti passip weziyette, chünki yaponiye asiyada birdin -Bir küchlük dölet bolghanliqi üchün asiyadiki pütkül milletlerning ümid nuri bolmaqta. Bu yerde wezipe ötigen jeryanda yaponiyining ottura asiya milletliri üchünmu bir ümid menbesi bolghanliqini hés qiliwatimen.»





Yaponiye tashqi ishlar ministirliqining arxiplirida muhemmed imin bughraning köpligen qolyazma mektupliri bar. Bularning köpinchisi yaponchigha terjime qilinghan. Bu mektuplarning arisida, shinjang islahat pilani dégen namda bir mektup bolup, bu mektupta mundaq yézilghan:

«Sherqiy türkistan uzun yillardin biri xitaylar teripidin ishghal qilinghan weziyette. Sherqiy türkistan xelqining pütkül heq-Hoquqliri tartiwélindi. Oxshash waqitta sowét ittipaqi hökümiti ürümchidiki xitay hakimiyitige yardem qilish bilen birge, xelqimiz arisida hiyligerlik bilen teshwiqat qilish arqiliq xelqimizning birlik we barawerlikini buzmaqta. Sherqiy türkistanda kommunistlarning tesiri barghanche ashmaqta. Xelq arisida chong özgirishler we palaketler otturigha chiqiwatidu, bügünki künde dunyada sherqiy türkistanni oylaydighan peqet yaponiye qaldi.»





Muhemmed imin bughra yaponiye hökümitige yazghan mektuplar arisida, yaponiye armiyisi sherqiy türkistangha kirgendin kéyin, uyghurlarning qandaq yardem qilidighanliqi toghrisida tepsiliy toxtalghan. Muhemmed imin bughra bu heqtiki doklatida mundaq yazghan:





1.‏-Sherqiy türkistandiki kommunist küchlirige resmiy bolmighan yollar bilen hujum qilinidu.

2.‏-Sherqiy türkistangha kirgen yaponiye armiyisi bilen birlikte urush qilip, düshmenning arqa sépige zerbe béridu. Yaponiye armiyisining algha ilgirilishi üchün pütkül sharaitlarni ishqa salidu.»

Muhemmed imin bughra bashqa bir doklatida yene yaponlarning yardimi bilen sherqiy türkistan musteqil bolghan teqdirde, yaponlargha qandaq payda élip kélidighanliqini ochuq halda yézip yaponiyige yollighan. Bu heqte u doklatta mundaq déyilgen:





1.‏-Yaponiye hökümitining yardimi bilen sherqiy türkistan hökümiti qurulidu. Sherqiy türkistan hökümitini bashquridighan kishiler sherqiy türkistan xelqi arisidin saylap chiqilidu. Her ish saylam bilen élip bérilidu.

2.‏-Sherqiy türkistan bixeterlik küchlirige yaponiyining yardimi bilen herbiy meshiq ögitilidu.

3.‏-Sherqiy türkistandiki yer asti we yer üsti bayliqlirining ishlepchiqirilishi. Sanaet, qurulush, tömür yol, qoruqluq yol we köwrük yasash dégenge oxshash qurulushlarda yaponiyining yardimige éhtiyaj bolidu.

Muhemmed imin bughra yaponiye hökümitige yollighan doklatning axirida, yuqirida otturigha qoyulghan telepler emeliyleshken teqdirde, sherqte manjular, otturida mongghullar we gherbte sherqiy türkistan arqiliq rus kommunistlirini qorshaw astigha élip, yawru-Asiyada yaponiyini merkez qilghan chong bir küch otturigha chiqidu, dep eskertken.





Muhemmed imin bughra afghanistangha kelgen deslepki yillarda yaponiyining kabuldiki elchisi kitada masamotu bilen yaxshi munasiwet qurghan we yaponiyidin köp ümid kütken bolsimu, netije körülmigendin kéyin pikrini özgertkenlikini körüwalghili bolidu.





Muhemmed imin bughra siyasiy hayatim dégen maqaliside mundaq yazghan:

«Xitay-Yaponiye urushi yüz bergende bezi kishiler manga, yaponlar bilen birlikte heriket qilish kéreklikini tewsiye qildi. Emma men buni muwapiq körmidim. Chünki yaponlarning yardimi bilen yurtimizni qutuldurushni texmin qilmidim. Eger mumkin bolghan teqdirde bu, xojayin almashturushtin bashqa bir ish bolmaydighanliqini oylap yettim. Sherqiy türkistan u dewrde xitay, rus we yaponlarning tehditi astida idi. Démek sherqiy türkistan, yolwas, éyiq we börining otturisida qalghan qoygha oxshaytti. Bundaq weziyettiki qoy elwette eqlini ishqa sélip, eng ajiz düshmenning qollishigha érishishni, hayatini qutuldurush üchün ajiz düshmen bilen birlishishni xalaydu.»





Muhemmed imin bughra hindistan we afghanistanda wetinining musteqilliqi üchün chong tirishchanliq körsetken. Dunya weziyitining chetelde chong ish qilishqa muwapiq bir weziyet bolmighanliqini chüshinip yetken we xitaygha qaytishqa mejbur qalghan.

http://www.youtube.com/watch?v=_QzHCgL3Xg0&feature=related



Copyright © 1998-2011 Radio Free Asia. All rights reserved.

http://www.rfa.org/uyghur/xewerler/tepsili_xewer/muhemmet-imin-bughra-12072011144148.html/story_main?encoding=latin