Gérmaniyening Frankfurt Sheheride Barin Inqilawi Munasiwiti Bilen Paaliyet Ötküzüldi.Buningdin 23 yil awal yeni 1990-yili Yawro-asiyada yüz bériwatqan chong xelqara siyasiy atmospiraning türtkiside pütün Sherqitürkistanda Xitay tajawuzchillirining Sherqitürkistan mustemlikisige qarshi pikir éqimliri jush urup rawajlandi.
Xitaylarning milliy zulumi we érqiy qirghinchiliqigha xatime bérish üchün Sherqitürkistanning munewer perzentliri oyghunup, azatliq we hörlük üchün keng- kölemlik xeliq herkiti élip bérish yoligha qarap mangdi. Ular uzaq yilliq tejribe sawaqlarni nezerde tutup, weten-milletning kélichigini kapaletke ige qilish üchün wetenning igilik hoquqini qayturup élishtin bashqa yolning yoqliqini, bir millet öz küchige tayinip des turmisa héchkishining uninggha yardem qolini sozmaydighanliqini tonup yétip bir qétimliq chong tiptiki quralliq qozghilanggha hazirliq qildi.
Inqilap pilani milliy munapiqlarning satqinliqi sewebidin pash bolup qalghanliqtin, Barin qehrimanliri zulumgha qarshi muddettin burun Xitaygha qarshi qozghulup, özlirining erkin, hür milliy iradisini ipadilep, Sherqitürkistan xelqining qul bolmaydighanliqini dunyagha yene bir qétim jakarlidi.
Bu qétimqi inqilapqa Barindiki sebre qachisi tolghan bir türküm yashlar aktip awaz qoshup, zulumgha qarshi erkinlik marshini yangratti we Xitay tajawuzigha éghir zerbe urdi.Buningdin qattiq ghezeplengen Xitay hökümiti zamaniwiy üsküniler bilen qurallanghan urushqa hazir Xitay muntizim armiyisini yerdin, hawadin herketke keltürüp Barin kentige yollidi we ulargha hadise alahiyde bolghan sharaitta kent xelqini 7 yashtin 70 yashqiche qirip tashlash buyruqi bérildi.
Ehwal Xitaylar oylighan derijide bolmisimu, buni purset bilgen tajawuzchi armiye bu heriketke qatnashmighan yéngi tughulghan buwaqlardin yashanghan insanlargha qeder er -ayal, qéri-yash hemmeylenni qozghilangchilar bilen eyni waqitta yoqutush nishani qilip, qanche saet ichide minglighan mezlumlarni qirip tashlap, Barin kentini qan kölige aylandurup insanliq jinayiti ishlidi.
Xitay hökümiti buning bilen qalmay, u heriketke qatniship hayat qalghanlarni we ularning yiraq chet-yaqa yurtlardiki tonush-bilishliri, uruq-tuqqanlirini iz qoghlap tutqun qilip, türkümlep ölüm jazasi bérip, kolliktip türmige tashlap xelqimizni kéyinki 23 yil tarixidiki ahanetke tolghan hayatni yashashqa bejburlidi.
Xelqimiz bu achchiq tarixni asan untup kételmeydu…Shu munasiwet bilen eshu qétimliq inqilapta qurban bolghan shéhidlerni we hazirghiche xitay zindanlirida azap chékiwatqan ezimetlirimizni yad étish we Xitaylarning shu qétimliq dölet térorini lenetlesh sewbidin teshkilatimiz Gérmaniyening Frankfurt sheheride paaliyet teshkillidi.Paaliyet jeryanida Sherqitürkistanning Barin inqilawi hem uningdin ilgiri we kéyinki paajiyelik ehwali anglitildi.
Paaliyet Gérmaniye waqti saet 14:00 de bashlinip 16:30 da axirlashti.Paaliyetke teshkilatimizning bir qisim aktip ezaliri qatnashti.
Sherqitürkistan Kultur Merkizi
06.04.2013
http://eastturkistaninfo.com/2013/04/06/germaniyede-barin-inqilawining-23-yilliqi-munasiwiti-bilen-paaliyet-otkuzuldi/
