Wetinimiz Sherqitürkistan Xitay tajawuzchillirining ishghaliyiti astida qalghan yérim esirdin artuq waqit, mezlum xelqimizning tarixida qabahetke tolghan bir dewir boldi. 19.esir we 20.esirlerde dunya miqyasida küchlengen jahangirlik we pashizim yüzligen milletlerning milliy mustemlike astida yashishigha sewep bolghanidi. Shu qatarda Sherqitürkistandiki Uyghurlarni asas qilghan yerlik xeliqler, Xitay tajawuzchillirining tömür tapini astida yenchilip, talay qétim insaniyet tarixida kem körülidighan milliy böhranlargha duch keldi.Yüz milyonlighan xeliqler özlirining milliy istiqlaligha ériship hör we erkin yashawatqan bügünki dunyada Uyghurlar we uning Qazaq we Qirghiz qatarliq qérindashliri hala bügünge kelgüche özining igilik hoquqi we hüriyiti üchün küresh qilip kelmekte.
Sherqitürkistan Sürgündiki Hökümiti, milliy dawa qoshunimizdiki simiwolluq bir organ bolsumu, xuddi dunyaning her-qaysi dölet we rayonliridiki yerlik teshkilatlargha oxshash milliy dawayimiz ihtiyaj tuyiwatqan bir qatar paaliyetlerni élip bérip,mezlum Sherqitürkistan xelqining qan-yashqa tolghan siyasiy we milliy teqdirini xelqara jamaetchilikke teshwiq qilish xizmitini üzlüksiz türde élip barmaqta.
Sherqitürkistan Sürgündiki hökümiti, 2011-Yili 6- Ayning 12-küni 2009-yili wetinimzde partilighan Sherqitürkistan Xeliq Inqilawi Herkiti we Xitaydiki Shawguen qanliq weqesining ikki yiliq harpisida Gérmaniyening Siegen Sheheride paaliyet teshkillep, Siegen xelqige Sherqitürkistanning 60 yildin béri duch kelgen siyasiy teqdiri, bolupmu 2002-yildin kéyin duch kelgen kultural qirghinchiliq we ekilogiyelik buzghunchiliq, pilanliq tughut propagandasi astida yürgüziliwaqan érqiy qirghinchiliq shundaqla, xelqara térorizimgha qarshi herket bahaniside élip bériliwatqan qanliq qirghinchiliqqa oxshaydighan hadisilerni anglatti.
Paaliyet Siegen Sheherining awat bir kochisigha orunlashturulghan bolup, Sigen xelqige VCD, Kitap, Berishur, Jornal, teshwiqat wereqliri keng türde tarqitildi.Tarqitilghan matériyallarda 2009-Yili Sherqitürkistan miqyasida partilighan qarshiliq körsütüsh herketliri we Xitay hökümitining shepqetsizlerche yürgüzgen qanliq basturushigha ayit pakitlargha alahiyde yer bérilgen idi.Xitaylarning Sherqitürkistanda dawamliq turiwérishining xelqara we rayon xaraktérliq tinchliqqa éghir ziyan séliwatqanliqidin ibaret jinayetni pakitliq anglitishni meqset qilghan bu paaliyet netijilik élip bérildi.
Paaliyet ishtirakchilliri Sherqitürkistan milliy dawasining qanuniy bir dawa ikenliki, milliy zulum we tajawuzchiliqqa qarshi küreshning tarixtin béri insaniyet teripidin medhiylinip kelgenlikini, eksinche kingeymichilik we Asimmilatsiye siyasitining lenetlinip kelgenlikini, Xitay tajawuzchillirining ishghal astidiki Sherqitürkistandin shertsiz chiqip kétishining xelqara qanun we ehdinamilerge uyghun bir ish ikenlikini etrapliq anglitishqa tirishti.Uningdin Bashqa qérindash jumhuriyet Qazaqistanning Sherqitürkistanliq bir yashni, uning hayatining tehlikige uchrishigha pisent qilmay Xitay hökümitige qayturup bergenlikini shiddet bilen tenqitlidi.
Bu paaliyet Gérmaniye waqti 14:00 de bashlinip 16:00 axirlashti.Paaliyetke Sherqitürkistan Sürgündiki Hökümitining Gérmaniyediki bir qisim wekilliri we Sherqitürkistan milliy herkitige küchlük hésidashliq qiliwatqan Chetellik dostlar ishtirak qildi.
Sherqitürkistan Sürgündiki Hökümiti Medeniyet We Teshwiqat Ménistirliki
12-Iyun 2011 Gérmaniye
Bu heqtiki yene bir xewerning baghlantisi: http://www.yalquzaq.com/?p=19899
