Qeshqerde "Birmu Adem Ishqa Orunlashmighan Aile" Qalmamdu ?


Muxbirimiz Irade

2010-07-30

Ürümchi weqesidin kéyin xitay dairiliri taktika özgertip "xelq turmushini yaxshilash we bu arqiliq menggülük eminlikni berpa qilish" deydighan shuar boyiche xelq turmushi qurulushini yolgha qoydi. Xitay dairiliri buningda aldi bilen ishsizliq mesilisini hel qilish shuarini qattiq towlap, "bir ailide eng az dégende bir kishi ishqa orunlashqan bolush" deydighan siyaset boyiche "birmu kishi ishqa orunlashmighan ailerni tizimlashqa bashlighan.





Bügün qeshqer rayonluq hökümet tor béti bügünki xewerliride qeshqer wilayitining qeshqerdiki "birmu adem ishqa orunlashmighan aililer" ni tizimlash xizmitini yaxshi ishlep, hazirghiche 30mingdin oshuq ademni ishqa orunlashturghanliqini, birmu kishi ishqa orunlashmighan 108 ailige yardem qilghanliqini, 220 etrapida méyipni ishqa orunlashturghanliqini ilgiri sürgen.



Biz yuqirida diyilgen ehwallarning qanchilik ijra qiliniwatqanliqini bilip béqish meqsitide qeshqerdiki melum nahiyige téléfon qilghan iduq. Bizning ziyaritimizni qobul qilghan qiz özining ürümchidiki aliy mektepni püttürüp kelgendin béri xizmetke orunlishalmighanliqini bayan qilip berdi.



Yerlik dairiler öymu - Öy kirip ishsizlarni tizimlighandin kéyin 95 - Yili oqush püttürüp kélip ishqa orunlishalmighan barliq ishsizlarni bir tutash émtihangha qatnashturghan. Emma, bu émtihan kishilerning kespiy sewiyisini ölchesh üchün emes, belki ularning siyasiy köz qarishini, milletler ittipaqliqigha bolghan köz qarishini élish üchün élip bérilghan.



Hörmetlik radio anglighuchilar, dunya uyghur qurultéyining bayanatchisi dilshat rishit ependi bolsa, xitay hökümitining bu atalmish ishqa orunlashturush siyasitining peqet uyghurlarning közini boyash üchünla élip bériliwatqan bir siyaset ikenlikini, bu xil siyasetlerning téximu köp xitay köchmenlirining uyghur rayonigha kélishige yol échip béridighanliqini bildürdi.



Dilshat rishit ependi sözide yene, xitay hökümiti eger heqiqen uyghurlarni ishqa orunlashturup, ularning turmushini yaxshilaymen deydiken, her bir uyghurgha aldi bilen siyasiy hoquqini bérishi kéreklikini éytti.

http://www.rfa.org/uyghur/xewerler/tepsili_xewer/herbir-oyde-xizmetchi-07302010214632.html/story_main?encoding=latin

Yuqiridiki ulinishtin bu progirammining tepsilatini anglighaysiler.