Peyziwattiki Weqelerge Qarita Uyghur Teshkilatlirining Inkasliri (4)
Muxbirimiz Shöhret Hoshur xewiri

2008-09-04
Bu qétim peyziwatta yüz bergen weqede, uyghur musteqilchilirining qoralining pichaq bolghanliqi we küchlük qorshaw astida axirqi nepisige qeder qarshiliq körsetkenliki hem dunyada hem uyghurlar arisida küchlük tesir peyda qildi.


Xitay terep bügün mezkur weqede ölgenlerni térrorchilar dep atisa, uyghur teshkilatliri bügün ularni erkinlik jengchiliri dep atidi.Gollandiyidiki sherqi türkistan birliki teshkilati, yamanyar we qizilboyi weqelirini üzülmey dawam qilip kéliwatqan uyghur musteqilliq kürishining bir parchisi dep qaraydighanliqini bildürdi.

Gérmaniyidiki sherqi türkistan birliki teshkilati bolsa mezkur heriketlerni milliy qoghdunush we qarshiliq körsitish herikiti dep atidi. Mezkur teshkilat mesulliridin küresh ataxan sözide, yamanyar we qizilboyi weqeside bir qisim uyghur saqchi we amanliq xadimlirining ölgenliki mesilisi üstide alahide toxtaldi.

Küresh Atahan bu heqtiki sözide qarshiliqta ölgen uyghur saqchi we amanliq xadimlirining heqiqiy qatili xitay hökümiti ikenlikini eskertti we mundaq weqelerde uyghur musteqilliq küchlirining obrazigha dagh chüshürüshke urunidighanlar chiqidighanliqini ulargha purset bermesliki kéreklikini tekitlidi.

Küresh Atahan sözide yene, axirqi heriketlerde uyghur musteqilchiliridin éghir chiqim bolghanliqini, shundaqtimu bu heriketlerni muweppeqiyetlik heriket dep qaraydighanliqini, chünki uyghurlarning bügün qarshiliq körsetmigen ehwaldimu, her qaysi sahelerde, her xil shekillerde öltürülüwatqanliqini eskertti.

Dunya uyghur qurultiyi ötken hepte, yéqinqi weqelerde ölgen uyghur musteqilliq jengchiliri üchün quran - Tilawet ötküzdi. Paaliyet jeryanda, sherqi türkistanning omumi weziyiti yene bir qétim muhakime qilindi. Dunya uyghur qurultiyi ichki ishlar komitétining mesuli jélil qarim söz qilip, qarashlirini otturigha qoydi.

http://www.rfa.org/uyghur/xewerler/tepsili_xewer/peyziwat-weqesige-inkaslar-09042008201021.html/story_main?encoding=latin