Ana-Wetinimiz "Sherqi Türkistan"ning Musteqilliq Dawasi We Uyghurliqimizning Dawamlishishi -3
Aptori: Adnan
Weten ana , Ana hemmidin uluq , shu uluq anining illiq baghrida bu dunyagha köz achqan herqandaq bir wijdanliq bala üchün , anidin wazkichish esla mumkin emes .
Ana barliq perzentini süyidu ,hemmisige birdek quchaq achidu , uninggha barliqini teqdim qiliduki hergiz waysimaydu , qaghimaydu-lenetlimeydu , chünki U üzining balisi , yürek parisi , shunga ana baligha chidimaydu .
Balimu dunyaning neridila bolsa anisini séghinidu , anisiz hayat xuddi tuzsiz tamaqqa oxsash , anisiz hayat bala üchün ghemkinlik ichidiki menisiz hayat hisaplinidu .
Anidin ayrilghan bala gerche yaqa yurtlarda , ali menseplerde , ali imaretlerde , ali turmush sewiyiside yashawatqan bolsimu , yenila öz anisi bilen bille yashighan halettikidek köngül xatirjem yashiyalmaydu .
Insangha ötkünche bolsimu , birdin-bir xatirjemlik bexish étidighan nerse yenila öz ana-yurtining illiq baghri , xushpuraq hawasi , yéqimliq menzirsi , mungluq köyliri , eng qimmetlik bolghini , herqedemde anglinip turidighan öz ana-tilidiki güzel uyghur awazi .
Aqil ejdatlirimiz mundaq qimmetlik sözlirini qaldurghan .
Wetendur bexit wetendur texit _ Wetensiz amiting maghzap .
Weten tulpar weten quyash _ Wetensiz Er qalar aqsap .
Derweqe wetensizlerning amiti maghzap bolmaqta , wetensizler tulparsiz aqsap qalmaqta .
Qanche yillardin béri yerliship yashawatqan bulishingizgha , shu tupraqqa qanchilik ejir singdürgenlikingizke , we qanchilik yeqin tuqqan bulap quda-baja bolghiningizgha qarimay yenila siz "Yabanci" yenila siz "köchmen" yenila siz "Oralman" sizning esli yurtingiz, Xittay ishghaliyiti astidiki "Sherqi Türkistan" !!!.
Mana bundaq ayrimichiliqni körgen barliq "Sherqi Türkistanliq" muhajirlar , weten derdini yetkiche tartip kelmekte !!!.
Bügünki dewride dunyaning neridila yashawatqan bir uyghur , yaki bir özbek , yaki bir qazaq , yaki bir bashqa qandash dostlirimiz bolsun , esli ana-yurti "Sherqi Türkistan" bolghanliki birsini körsingiz , weten ishqida elemlik hesret chékiwatqinini körisiz .
Öz ana wetinining musteqilliqini shu qeder arzu qiliduki , shu musteqilliq künni shu qeder séghinghanki , ular üchün uningdin bashqa herqandaq nerse xoshalliq emes !!!.
Shuning üchün ular herqandaq teyyarliqqa , herqandaq bedelge , herqandaq qurbanliqqa we herqandaq pidakarliqqa teyyar !!!.
Ular özlirige heqiqi yitekchi bulalaydighan , barche perzentliri üchün birdek illiq méhri-muhebbitini bireleydighan , musteqilliq dawayimiz we uyghurliqimizning mengguliqi , shundaqla qandash we qérindashlar bilen öz-ara ish birligi quralaydighan , ortaq mujadilimiz yulida dawamliq put-tirep turalaydihghan , emeli mujadilimiz yulida heqiqi jenggiwarliq bilen yol bashliyalaydighan , bir batur "Ata" yaki bir batur "Ana" ning tizraq wetendashlar aldigha sekrep chiqishni töt közi bilen kütmekte !!!.
Jümlidin ottura asiyadiki wetendashlirimizning , 5- iyuldin kéyinki oyghinishi intayin yüksek , herqandaq chaqiriqqa awaz qushush iradisi intayin küchlük . shunga ular özlirining intayin yüksek ümüt-arzuliri bilen yasimaqta . ularning ene shundaq ümüdini berbat qilmasliqimiz üchün , biz uyghurlar hazirdin bashlap, üzimizning her sahediki dostluq paaliyetlirini , uyghurlar köp bolmighan bashqa yerlerge emes , belki öz wetendashlirimiz eng köp oltiraqlashqan qedimi makan Alma-Ata shehrige yüzlendürüshimiz we bu diyarni üzimizning tayinidighan arqa sep makani qilishimiz kérek .
Eger biz bundin kéyinki siyasi paaliyetlirimizni qazaqistanda kücheytsek , shu yerdiki wetendashlarning qanchilik qizghin qollaydighanliqi we qanchilik qizghin qarshi alidighanliqini eniq . shu muhajir wetendashlarning birdek qollap -quwwetlishi arqiliq , kazaqistandiki milli qan-qérindash bolghan her-sahe kishiliri bilenmu öz-ara pikir almashturush imkaniyitini yaratqili we öz-ara chüshünüsh hasil qilghili bulidu .
Chünki 2000-yildin bashlap bügünge qeder qazaqistanda , DUQ ning , yaki bashqa teshkilatlirimiz rahberlikining birer resmi ziyariti bulup ötmidi , shunga qazaqistan dairliri terpidin bizning musteqilliq dawayimizning siyasi jehettiki yülinishige bolghan köz qarishi yaxshi emes .
Sewebi bu toghrida üzimiz diqqet qilmighan yerler köp , shundaqtimu biz bundin kéyin qolgha keltüridighan zor muweppiqiyetlerni qazinishqa tedbirlik halada öz- ara "Uyghur _Qazaq" "dostluq jemiyiti" qurulishi we öz-ara diyalogi élip bérilishi intayin muhim .
"2007-yil 9-ayda qazaqistan ichki ishlar ministiriligi terpidin uyushturulghan bir söhbette , ularning birqanche sualigha jawap bérishke mejbur boldum . bularning manga körsetken pakitlik sözliri , DUQ ning rehberliki terpidin qazaqistanni eghir tenqid qilip otturgha quyulghan , sin-alghu lintiliq birqanche jumle söz-ibariler boldi , bu söz del DUQ rehberlikining sözi idi . ((eshu ........... qazaq - qirghizlardek bulalmaymizma ?)) digen ibariler !.
Men ulargha öz köz qarishim buyiche xéli tiriship chüshenje bergen bolsammu , ular yenila Xittaylarning teshwiqatidiki "ikkibisliq" (bir tereptin düshmen bir tereptin dost) dep élan qilish usuli buyiche élip barghan süyiqestlik teshwiqati netijiside , qazaqistan rehberlik orunlirining , DUQ rehberlikige bolghan köz qarishining yaxshi emesliki ipadilengen idi .
Bundaq bulushning Sewep nime ?
Birinjidin _ bizdiki tekebburluq , men-menlik , bashqilarni kemsitish , weyeki oylimay haqaretlesh , umum üchün shexsi adawettin , shexsi abruydin waz kéchemmeslik késilining netijisi , yene bir tereptin , asmandiki ghazning shorpisigha nan chilap yiyishni oylap , aldimizdikini dostimizni untup qalghanliqimizdin .
Yiraqtiki tuqqandin yéqindiki xoshnang yaxshi , digen ata sözini unutqanliqimizdin , tarixi ayrilmas dawager we tarixi mujadilechi dostumiz bolghan muhajir qandashlirimizni unutqanliqimizdin .
Yighip éyitqanda , bu musteqilliq dawayimiz sépige bashqa qandash-xoshnimiznimu birge shirik qilip mangalmighanliqimizdin .
Ruslarni meghlup qilghan jenggiwar afghan qushunlirining öz-sépige kimlerni jelip qilghanliqi we kimlerni qatnashturghanliqini , shundaqla shu ghelbilik herket yulida qandaq jughrapiyedin paydilanghaliqini bilmigenlikimizdin .
Eng addi qilip éyitqandimu , hindistan teweside tibetliklerge alahide zémin yaritip bérishidiki seweplerning nimidin ibaret ikenlikini tetqiq qilmighanliqimizdin.
Eger biz bundin kéyin "Sherqi Türkistan"ning musteqilliq dawasini yenimu yuqiri sewiyege , yuqiri derijiliq orungha we Xeliqaradiki keng jamaetchilikke janliq tunushturimiz , tariqtiki yuqiri sewiyege yetküzimiz we barche "Sherqi Türkistan"liq muhajirlirini bir bayraq astigha toplaymiz deydikenmiz , 2010-yildin bashlap yawrupa bixeterlikining bash sahipxanliqini ütewatqan we kéyinki yillarda dunya "Islam birleshmisi" ning bash sahipxanliqini öz-üstige élish aldida turiwatqan tarixi we jughrapiyewi qan-qérindash bolghan yéqin xoshnimiz we dostimiz , " Qazaqistan Jumhuriyiti" bilen yéqindin dostluq ornitishimiz we qazaqistanning barliq döletlerdiki elchixaniliri bilen daim dostluq alaqida bulishimiz intayin muhim.
Biz "Sherqi Türkistan"dawagerliri öz-qérindashlirimiz bolghan xoshnimiz bilen "Uyghur_ Qazaq" dostluq jemiyitini qanche tiz qurup chiqalisaq , bizning elip bériwatqan "Musteqilliq dawayimiz"ning emelilishi yolliri we shu yoldiki muhim asasi-imkanliri , shunche tiz hel bulidu .
Biz bundinkéyinki shanliq herketlirimiz sépide , yenila shu qulida tümürning parchi bolmighan we hasining suniqi bolmighan mulayim , bichare uyghur dixanlirinila körmestin , belki tagh üstiliride At mineleydighan , dawnalarda oghlaq tartalaydighan , yanliridin qassap pichaqliri bilen neshter qamchilirini ayrimaydighan , Manas atining , Abay ataning , Réyimbek ataning , Bavurjan mamushuli qatarliqlarning batur oghlanlirinimu körishimiz kérek !!!
Ene shu chaghda "Musteqilliq dawayimiz we uyghurluqimiz" menggü dawamlishidu .
http://www.wetinim.org/forum/viewthread.php?tid=8612