Muxbirimiz Erkin Tarim
2010-01-06
1944 - Yili ghuljida élan qilinghan sherqiy türkistan jumhuriyiti mezgilide dölet marshi yézip chiqilghan, milliy armiyining armiye naxshisi, oqughuchilarning mektep naxshisi bolghan bolup, jumhuriyet yiqilghandin kéyin bu naxshilar unutulghan.
RFA Photo / Erkin Tarim
Süret, nazimbék qasimjan oghli qembirining yéqinqi süretliridin biri.
Sherqiy türkistan jumhuriyiti mezgilide 13 - 14 Yashlarda bolghan nazim qemberi ependi bu naxshilarni öz qoliqi bilen anglighan we oqighan. Bu heqte tepsiliy melumat élish üchün hazir béshkekte yashawatqan nazim qemberi ependi bilen téléfon söhbiti élip barduq.
Nazim qemberi ependi sözide, sherqiy türkistan jumhuriyiti qurulüshi bilen, hükümet rehberliri ataqliq muzikant rozi tembir, zikri elpettah we seydullah qaryaghdilarni chaqirip dölet marshi yézish heqqide wezipe bergenlikini éytti. Bu ataqliq sazendiler `algha chamdash`, `törem keldi`, `ana wetinim` dégenge oxshash 4 naxshining ahangini tékistini éytip bergenlikini, dölet rehberlirining bularning ichidin `ana wetinim` dégen naxshini dölet marshi qilsaq bolidiken déyishkenlikini, u sorungha öziningmu yandin shahit bolghanliqini éytti.
Nazim qemberi ependi bizge shu naxshilardin ariyeler oqup berdi.
Nazim qemberi ependi bizge bergen melumatlargha asaslanghanda, sherqiy türkistan jumhuriyiti mezgilide 30 etrapida naxsha ijat qilinip oqulghan bolup, bügünki künge kelgende bu naxshilarni bilidighan kishiler köp qalmighan. Nazim qemberi yadida qalghanlarni özi retlep chiqqan.
http://www.rfa.org/uyghur/xewerler/tepsili_xewer/untulghan-naxshilar-01062010193108.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.