Ablikim Baqi Iltebir
Qara zulmet mudhish shu kéche,
Sheher ichi qan’gha boyalghan,
Qéni oghli, qéni murebbi,
Ana qelbi zedapqa tolghan.
Nida qildi ana tang seher,
Bir közi yash, bir közide qan,
Qisas yandi qelbide choghdek,
Wujudida ot yandi gülxan.
Ana kéler kochida meghrur,
Hasa tayiqi qolida qalqan,
Közliridin yawgha nepriti,
Yalqun kebi lawuldap yan’ghan.Kéler heywet dushmen tankisi,
Kurming chirik müküshup alghan,
Ichip Uyghur qénini kéche,
Hush-eslidin adiship qalghan.
‘Ate!’ dédi ana merdane,
Biz höriyet yolida mangghan,
Qirip-chépip qorqutalmaysen,
Dilimizgha Allah küch salghan.
Urghunida yerge hasini,
Titrep ketti goya yer makan,
Yaw béshigha tegkendek boldi,
Heqiqetning qudriti bazghan.
Uyghur rohi ana qelbide,
Magma bolup partlidi wolqan,
Ey qedirlik qehriman ana,
Qelbimizde sen goya cholpan.
Qudritingdin titridi düshmen,
Shöhritingdin tewridi jahan,
Ewladliring bésip izingni,
Azad bolar muqeddes makan.
14-Noyabir 2009 Amerika/Washingtun