'Ürümchi Weqeside Ikki Ewlad Uyghur Yashliri Yoq Bop Ketti' (2)
Muxbirimiz Irade
2009-10-14

5 - Iyul ürümchi weqesidin kéyin téximu köp uyghurlar chetellerge qéchip chiqishqa mejbur bolmaqta. Shundaqla ular, ürümchi ténchliq namayishining xitay hökümiti teripidin wehshiylerche basturulushi heqqide xitay hökümiti üstidin shikayetler qilishmaqta.

7 - Ayning 5 ‏- Küni, guangdong weqesini intérttin izchil közitip kéliwatqan uyghur tordashliri, bir qisim aliy mektep oqughuchiliri we aktip jemiyet yashliri, ürümchide, ténchliq yoli bilen namayish uyushturghan bolup, süret, bu namyishni basturushqa kelgen xitay saqchilirining bir uyghur yashni tutqun qiliwatqan körünüshi.

Ürümchi weqesidin kéyin chetelge chiqip qépqalghan bir xanim 5 - Iyul ürümchi weqesining wehshiylerche basturulushi we 6 - , 7 - Iyuldiki xitaylarning qanliq öch élish weqelirining uyghurlarda qattiq wehime peyda qilip, öz wetinide yashash imkaniyiti qoymighanliqini bildürdi.

Bu xanim ürümchi weqesi jeryanidiki özi körgen - Bilgen bezi muhim weqeler we pakitlar toghrisida bizning ziyaritimizni qobul qildi.

Ziyaritimizning bügünki qismida, bu xanim bizge ürümchi weqeside tonushlirining birining ikki xoshnisining baliliri, yeni 19 - 20 Yashlardiki adiljan tursun we miradiljan erkin isimlik ikki balining yoqap ketkenlikini, ata - Anisining hazirghiche ularning iz - Dérikini qilalmaywatqanliqini bayan qilip berdi.

Menbe: http://www.rfa.org/uyghur/xewerler/tepsili_xewer/urumqi-weqeside-yuqap-ketkenler-10142009193233.html/story_main?encoding=latin


Yuqiridiki awaz ulinishidin, bu heqtiki melumatimizning tepsilatini anglaysiler.