Tebrikname
Bash shitabi Gérmaniyining Müchén shehridiki "Yawrupa Sherqiy Türkistan Birliki" teshkilatining 16 - nöwetlik saylimining 2008 - yili 1 - ayning 13 - küni 150 din artuq uyghur jamaitining ishtirak qilishi bilen daghdughuluq échilip, ghelbilik yépilghanliqi, weten siritida uchqandek rawajliniwatqan milliy herkitimizning yéngi yildiki yéngi bir ghelbisi bolup qaldi.
Yawrupa Sherqiy Turkistan Birligi, 17 yildin artuq shanliq tarixqa ige bolup, uning milliy herkitimizge qoshqan qimmetlik töhpilliri xelqimiz arisida dastan bolup qalghisi. Yawropa sherqiy Türkistan Birlikgi, milliy herkitimizdiki shereplik enenige we jushqun hayati küchke tolghan bir teshkilat bolup, u tarixida zulum astida yashawatqan xelqimizge siyasiy ghaye, musteqilliq iradisi we ümüt ata qilipla qalmay Sherqiy Türkistan ( Uyghuristan) milliy Qurultiyi, Dunya Uyghur Yashliri Qurultiyi we bügünki Dunya Uyghur Qurultiyining dunygha kélishige zor hesse qoshup, weten siritidiki musteqilliq herkitimizning awangart küchliridin biri bolup qaldi.
Mezkur teshkilatning bu qétimqi saylimigha Yawrupa Sherqiy Türkistan Birliki teshkilatining aldinqi reisi, Dunya Uyghur Qurultiyi ning Bash katipi Dolqun Eysa ependi bilen, sabiq Sherqiy Türkistan ( Uyghuristan) milliy Qurultiyining reis, Dunya Uyghur Qurultiyi Ijraiye komitétining wakaletchi reisi Enwerjan qatarliq bilimlik ziyalilar we milliy küresh sépimizdiki küchlük shexislerning özlirini namzat qilip körsetkenliki we muhim wezipilerde olturghanliqi , bu teshkilatning qanchilik derijide küchlük ikenlikini ispatlap turidighan pakittur.
Bu qétimqi saylamda Yawrupa Sherqiy Türkistan Birliki teshkilatining sabiq reyisi, Dunya Uyghur Qurultiyining bash katipi Dolqun Eysa ependi Yawrupa Sherqiy Türkistan Birliki teshkilatining yéngi bir nöwetlik reislikige, sabiq Sherqiy Türkistan ( Uyghuristan) milliy Qurultiyining reis, Dunya Uyghur Qurultiyi Ijraiye komitétining wakaletchi reyisi Enwerjan ependi we Tursun Muhemmed ependiler Yawrupa Sherqiy Türkistan Birliki teshkilatining Muawin reyislikige, Erkin Zunun ependi yene bir qétim teshkilatning bash katipliqigha, Gülnar Osman xanim Fondi mes`ulluqigha, Memtimin Qarim Diniy ishlar bölümi mudirliqigha , Abdusalam ependi Teptishlike , Rahile Osman xanim-qizlar bölümi mes`ulluqigha, Abduleziz Ahmed ependi yashlar bölümi mes`ulluqigha sayliniptu.
Teshkilatimizning barliq ezaliri Yawrupa Sherqiy Turkistan Birligining bu qétimqi saylamningmu intayin adil we démokiratik pirinsiplargha toluq emel qilghan asasta élip bérilghanliqini anglap köp memnun bolduq. Biz Yawrupa Sherqiy Turkistan Birligi bilen qoshmaq teshkilat bolush salayiti bilen bu qétimqi saylamda wezipe alghan hemsherilirimizni we u teshkilatning barliq ezalirini qizghin tebrikleymiz we bundin kéyinki barliq xizmetlerde Dunya Uyghur Qurultiyining jümlidin möhtirem animiz Rabiye Qadirning etrapigha zich uyushup, öz-ara hemkarliship küresh qilidighanliqimizni bildürimiz.
Sherqiy Turkistan Birliki Teshkilati
Gérmaniye,Frankfurt am/Main
2008 – yili 14 - Yaniwar.